തിരുവനന്തപുരം: തദ്ദേശ സ്ഥാപനങ്ങളുടെ വോട്ടര് പട്ടികയില് പേര് ചേര്ക്കാനുള്ള അവസരം സെപ്റ്റംബര് 28 വരെയുള്ളതായി സംസ്ഥാന തെരഞ്ഞെടുപ്പ് കമ്മീഷന് അറിയിച്ചു. 2023 ജനുവരി ഒന്നിനോ അതിനു മുമ്പോ 18 വയസ് പൂര്ത്തിയായവര്ക്കാണ് വോട്ടര് പട്ടികയില് പേര് ചേര്ക്കാന് അവസരം.
വോട്ടര് പട്ടികയില് പുതുതായി പേര് ചേര്ക്കുന്നതിനും ഒഴിവാക്കുന്നതിനും തിരുത്തലുകള് വരുത്തുന്നതിനും കമ്മീഷന് വെബ്സൈറ്റായ www.sec.kerala.gov.in ലൂടെ അപേക്ഷ സ്വീകരിക്കും.
വ്യക്തികള്ക്ക് സിറ്റിസണ് രജിസ്ട്രേഷന് മുഖേനയും അക്ഷയ ജനസേവന കേന്ദ്രങ്ങള്ക്ക് ഏജന്സി രജിസ്ട്രേഷന് മുഖേനയും വെബ്സൈറ്റില് രജിസ്റ്റര് ചെയ്യാം.
പ്രതികരിക്കാൻ ഇവിടെ എഴുതുക