ഇന്ത്യൻ സിനിമയുടെ പിതാവായ ദാദാസാഹിബ് ഫാൽക്കെയുടെ ജീവിതം വെള്ളിത്തിരയിലേക്ക് വരുന്നു. ‘മെയ്ഡ് ഇൻ ഇന്ത്യ’ നിർമിക്കാനൊരുങ്ങി എസ്.എസ് രാജമൗലി. രാജമൗലി തന്നെയാണ് ഇക്കാര്യം പ്രഖ്യാപിച്ചത്. ദേശീയ അവാര്ഡ് ജേതാവായ നിതിന് കക്കറാണ് ചിത്രം സംവിധാനം ചെയ്യുന്നത്.
മറാത്തി, തെലുങ്ക്, ഹിന്ദി, തമിഴ്, മലയാളം, കന്നഡ ഇങ്ങനെ ആറ് ഭാഷകളില് ചിത്രം പ്രദർശനത്തിനെത്തും. ചിത്രത്തിന്റെ പ്രഖ്യാപന വീഡിയോ എസ്.എസ് രാജമൗലി സോഷ്യല് മീഡിയയിലൂടെ പുറത്തുവിട്ടിരുന്നു.
‘ഈ സിനിമയുടെ ആദ്യ വിവരണത്തില് തന്നെ ഈ ചിത്രത്തിന്റെ വികാരം എനിക്ക് ലഭിച്ചു. ബയോപിക് എടുക്കുക വലിയ പരിശ്രമമാണ്. അത് ഇന്ത്യന് സിനിമയുടെ പിതാവിനെക്കുറിച്ച് ആണെങ്കില് അത് ഒരാളെ പറഞ്ഞ് സമ്മതിപ്പിക്കുക വലിയ വെല്ലുവിളിയാണ്. ആ വെല്ലുവിളി ഏറ്റെടുക്കാന് നമ്മുടെ ടീം തയ്യാറാണ്. വളരെ അഭിമാനത്തോടെ മെയ്ഡ് ഇന് ഇന്ത്യ അവതരിപ്പിക്കുന്നു’- എസ്എസ് രാജമൗലി തന്റെ എക്സ് പോസ്റ്റില് പറയുന്നു.
മാക്സ് സ്റ്റുഡിയോസ്, ഷോയിംഗ് ബിസിനസ് എന്നീ ബാനറുകളില് വരുണ് ഗുപ്തയും എസ്എസ് കാര്ത്തികേയനും ചേര്ന്നാണ് ചിത്രം നിര്മ്മിക്കുന്നത്. പി.ആർ.ഒ പ്രതീഷ് ശേഖർ.
ആർ. ആർ. ആർ ആണ് രാജമൗലിയുടെ അവസാനമിറങ്ങിയ ചിത്രം. ഇന്ത്യൻ സിനിമ പല ബയോപിക്കുകൾക്കും സാക്ഷ്യം വഹിച്ചിട്ടുണ്ട്, എന്നാൽ ഇത് ഇന്ത്യൻ സിനിമയുടെ ബയോപിക്ക് ആയിരിക്കുമെന്നാണ് രാജമൗലി കുറിച്ചത്.
പ്രതികരിക്കാൻ ഇവിടെ എഴുതുക