തിരുവനന്തപുരം: മാധ്യമങ്ങളെ കാണാത്തതില് വിശദീകരണവുമായി മുഖ്യമന്ത്രി പിണറായി വിജയന്. മാധ്യമങ്ങളെ കാണാതിരുന്നതല്ല, ഇടവേള എടുത്തത് മാത്രമാണെന്നും കാണേണ്ട എന്നായിരുന്നെങ്കില് ഇപ്പോഴും കാണുമായിരുന്നില്ലയെന്നും മുഖ്യമന്ത്രി പറഞ്ഞു. ശബ്ദത്തിന് ചെറിയ പ്രശ്നമുണ്ടായതും ഒരു ഘടകമാണെന്നും അദ്ദേഹം പറഞ്ഞു.
പുതുപ്പള്ളി ഉപതെരഞ്ഞടുപ്പ് ഫലത്തില് എല്ഡിഎഫിന്റെ പരാജയത്തെ കുറിച്ചും അദ്ദേഹം പ്രതികരിച്ചു. പുതുപ്പള്ളിയിലെ വിജയത്തെ കുറിച്ച് എല്ലാവരും ചര്ച്ച ചെയ്തുകഴിഞ്ഞതാണ്. വ്യത്യസ്തമായൊരു വിലയിരുത്തല് തനിക്കില്ല. പുതുപ്പള്ളിയില് ഉമ്മന്ചാണ്ടിയുടെ വിയോഗത്തിന് പിന്നാലെയുള്ള പ്രത്യേക സാഹചര്യമായിരുന്നു. അത് തന്നെയാണ് തെരഞ്ഞെടുപ്പ് ഫലത്തിലും കണ്ടത്.
മന്ത്രിസഭ പുനഃസംഘടന എന്നത് മാധ്യമങ്ങളുണ്ടാക്കിയതാണെന്നും മുഖ്യമന്ത്രി വിമര്ശിച്ചു. ഇതില് എല്ഡിഎഫില് ഒരു ചര്ച്ചയുമുണ്ടായിട്ടില്ല. മുന്കൂട്ടി എന്തെങ്കിലും തീരുമാനിച്ചിട്ടുണ്ടെങ്കില് അത് പാര്ട്ടി കൃത്യസമയത്ത് തന്നെ നടപ്പിലാക്കുമെന്നും മുഖ്യമന്ത്രി പറഞ്ഞു.
പ്രതികരിക്കാൻ ഇവിടെ എഴുതുക