ഡല്ഹിയില് നിന്ന് ചെന്നൈയിലേക്കുള്ള ഇന്ഡിഗോ വിമാനത്തിന്റെ എമര്ജന്സി വാതില് തുറക്കാന് യാത്രക്കാരന് ശ്രമിച്ചതായി റിപ്പോർട്ട്. വിമാനത്തില് പരിഭ്രാന്തി പരത്തിയ സംഭവത്തിന് പിന്നാലെ മണികണ്ഠന് എന്ന യാത്രക്കാരന് പിടിയിലായി.
ഇയാളെ ചെന്നൈ വിമാനത്താവളത്തില് എത്തിയപ്പോള് സെന്ട്രല് ഇന്ഡസ്ട്രിയല് സെക്യൂരിറ്റി ഫോഴ്സ് (സിഐഎസ്എഫ്) ഉദ്യോഗസ്ഥര്ക്ക് വിമാന ജീവനക്കാര് കൈമാറി. ബുധനാഴ്ച പുലര്ച്ചെ ഇന്ഡിഗോ 6ഇ 6341 വിമാനത്തിലാണ് സംഭവം ഉണ്ടായത്.
എമര്ജന്സി വാതില് തുറക്കാന് യാത്രക്കാരന് ശ്രമം നടത്തിയതിന് പിന്നാലെ തന്നെ എയര്ലൈന് അധികൃതര് സിഐഎസ്എഫ് ഉദ്യോഗസ്ഥരെ വിവരം ധരിപ്പിച്ചു. ഇതോടെയാണ് ചെന്നൈ വിമാനത്താവളത്തിലെത്തുമ്പോള് പ്രതിയെ കസ്റ്റഡിയിലെടുക്കാന് തീരുമാനിച്ചത്. സംഭവത്തില് ഇന്ഡിഗോ അധികൃതര് ഇയാള്ക്കെതിരെ പരാതി നല്കിയിട്ടുണ്ട്. കേസില് കൂടുതല് അന്വേഷണം നടന്നുവരികയാണ് എന്നാണ് പുറത്തു വരുന്ന വിവരം.
പ്രതികരിക്കാൻ ഇവിടെ എഴുതുക