തൊണ്ടിമുതല് കേസില് മന്ത്രി ആന്റണി രാജു സുപ്രിം കോടതിയില് സമര്പ്പിച്ച ഹര്ജി പരിഗണിക്കുന്നത് മാറ്റിയാതായി റിപ്പോർട്ട്. നവംബര് ഏഴിലേക്കാണ് ഹര്ജി പരിഗണിക്കുന്നത് മാറ്റിയത്. എതിര്കക്ഷികള്ക്ക് മറുപടി നല്കാനാണ് സമയം നല്കിയത്.
അതേസമയം ഗൗരവമുള്ള കേസാണെന്ന വാക്കാലുള്ള നിരീക്ഷണത്തോടെയാണ് ഹര്ജി പരിഗണിക്കുന്നത് മാറ്റിയത്. കേസില് പുനരന്വേഷണം നടത്താനുള്ള ഹൈക്കോടതി ഉത്തരവിനെതിരായാണ് ആന്റണി രാജുവിന്റെ ഹര്ജി. കഴിഞ്ഞ തവണ കേസില് ആന്റണി രാജുവിന് അനുകൂലമായി സുപ്രിം കോടതി സ്റ്റേ ഉത്തരവ് അനുവദിച്ചിരുന്നു.
എന്നാൽ 33 വര്ഷത്തിനു ശേഷം പുനരന്വേഷണം നടത്തുന്നതിനെ കേസിലെ ഹര്ജിക്കാരാനായ മന്ത്രി ആന്റണി രാജു എതിര്ത്തിരുന്നു. 33 വര്ഷങ്ങള് ഈ കേസുമായി മുന്നോട്ട് പോകേണ്ടി വന്നു. ഇത് മാനസിക വിഷമം ഉണ്ടാക്കുന്നതായും അതിനാല് പൂര്ണ്ണമായി നടപടികള് അവസാനിപ്പിക്കണമെന്നാണ് ഹര്ജിയില് മന്ത്രി ആവശ്യപ്പെട്ടത്.
പ്രതികരിക്കാൻ ഇവിടെ എഴുതുക