തിരുവനന്തപുരം: പ്രമുഖ ഇ-കോമേഴ്സ് സൈറ്റുകളുടെ പേര് ഉപയോഗിച്ച് ഓഫറുകളുടെ പേരില് സോഷ്യല് മീഡിയ വഴി പരസ്യം നല്കുന്ന വ്യാജ ഷോപ്പിംഗ് സൈറ്റുകള്ക്കെതിരെ ജാഗ്രത പാലിക്കണമെന്ന് കേരള പൊലീസ്. ഫെയ്സ്ബുക്ക് കുറിപ്പിലൂടെയാണ് പൊലീസ് മുന്നറിയിപ്പ് നല്കിയിരിക്കുന്നത്.
കുറഞ്ഞ വിലയ്ക്ക് ബ്രാന്ഡഡ് ആയ ഇലക്ട്രോണിക്സ്, മറ്റു ഉത്പന്നങ്ങള് എന്നിവ നല്കുന്നു എന്ന രീതിയില് സോഷ്യല് മീഡിയ വഴി പരസ്യങ്ങള് നല്കിയാണ് ഇവര് തട്ടിപ്പുകള് നടത്തുന്നതെന്നും പൊലീസ് പറഞ്ഞു. ഒറ്റ നോട്ടത്തില് യഥാര്ഥ സൈറ്റ് പോലെ തോന്നിക്കുന്നതാണ് ഇവയുടെ പ്രത്യേകത.
ഇത്തരം സൈറ്റുകളില് കയറി ഓര്ഡര് ചെയ്ത് പണം നഷ്ടപ്പെടുന്നവരുടെ എണ്ണം കൂടുകയാണ്. ഇത്തരം വ്യാജ സൈറ്റുകള് തിരിച്ചറിയുന്നതിന് അവയുടെ വെബ്സൈറ്റ് അഡ്രസ്സ് സൂക്ഷ്മമായി പരിശോധിച്ചാല് മതിയാകും. ഉപയോക്താക്കള് ഇത്തരം തട്ടിപ്പിനെതിരെ കൂടുതല് ജാഗ്രത പുലര്ത്തണമെന്നും പൊലീസ് മുന്നറിയിപ്പില് പറയുന്നു.
https://www.facebook.com/watch/?v=802266535011055
പ്രതികരിക്കാൻ ഇവിടെ എഴുതുക