പാലക്കാട്: പാലക്കാട് വാടക വീട്ടില് രണ്ട് പേരെ മരിച്ച നിലയില് കണ്ടെത്തി. കൊപ്പം മുളയന്കാവില് ഫെഡറല് ബാങ്കിന് പിന്വശത്തെ വാടക വീട്ടില് ആണ് സംഭവം. മ്യതദേഹങ്ങള്ക്ക് ദിവസങ്ങളുടെ പഴക്കമുണ്ട്. താഴത്തെപുരയ്ക്കല് ഷാജി, ഭാര്യ സുചിത്ര എന്നിവരാണ് ഈ വീട്ടില് വാടകയ്ക്ക് താമസിച്ചിരുന്നത്.
ഇന്നലെ വൈകീട്ട് വാടകവീടിന്റെ ഉടമ എത്തിയപ്പോഴാണ് മൃതദേഹങ്ങൾ കണ്ടത്. തുടർന്ന് പൊലീസിനെ അറിയിക്കുകയായിരുന്നു. കൊപ്പം പൊലീസെത്തി പരിശോധന നടത്തുകയും നടപടിക്രമങ്ങൾ സ്വീകരിക്കുകയും ചെയ്തെങ്കിലും മൃതദേഹം ഇവരുടേതാണോ എന്ന കാര്യത്തില് വ്യക്തത വന്നിട്ടില്ല. ഇന്ക്വസ്റ്റ് ഉള്പ്പടെയുള്ള നടപടികള് ഇന്ന് നടക്കും.
പ്രതികരിക്കാൻ ഇവിടെ എഴുതുക