പാലക്കാട്: അടയ്ക്ക മോഷ്ടിച്ചുവെന്ന് ആരോപിച്ച് മാനസിക വെല്ലുവിളി നേരിടുന്ന വ്യക്തിയെ മര്ദ്ദിച്ച സംഭവത്തിൽ പ്രതി പിടിയിൽ. പാലക്കാട് ശ്രീകൃഷ്ണപുരം സ്വദേശി സുകുമാരനെയാണ് പൊലീസ് അറസ്റ്റ് ചെയ്തത്. ഇയാള്ക്കെതിരെ 308 വകുപ്പ് പ്രകാരം കേസ് രജിസ്റ്റര് ചെയ്തു.
8 ഓളം അടയ്ക്ക പറമ്പില് നിന്നും മോഷ്ടിച്ചുവെന്ന് ആരോപിച്ച് മാനസിക വെല്ലുവിളി നേരിടുന്ന മുരളീധരന് എന്നയാളെ ഇയാൾ മര്ദ്ദിക്കുകയായിരുന്നു. മര്ദ്ദനത്തില് വാരി എല്ലിന് പൊട്ടലേറ്റ മുരളീധരന് പാലക്കാട് ജില്ലാ ആശുപത്രിയില് ചികിത്സയിലാണ്. കഴിഞ്ഞ അഞ്ചാം തീയതി ആയിരുന്നു കേസിനാസ്പദമായ സംഭവം നടന്നത്.
പ്രതികരിക്കാൻ ഇവിടെ എഴുതുക