ബെംഗളൂരു: കോലാറില് കോണ്ഗ്രസ് നേതാവിനെ ഇന്ന് രാവിലെ വെട്ടിക്കൊന്നു. ശ്രീനിവാസ്പുര സ്വദേശി എം ശ്രീനിവാസാണ് കൊല്ലപ്പെട്ടത്. ബൈക്കിലെത്തിയ ആറംഗ സംഘം ശ്രീനിവാസിനെ വെട്ടുകയായിരുന്നു. ശ്രീനിവാസ്പുരയിലെ ഹൊഗലെഗെരെ റോഡില് റോഡ് നിര്മാണ ജോലികള് പരിശോധിക്കാനെത്തിയപ്പോഴാണ് ശ്രീനിവാസിനെ വെട്ടിയത്.
വയറിലും കഴുത്തിലും നെഞ്ചിലുമായി ആഴത്തില് വെട്ടേറ്റ ശ്രീനിവാസ് ആശുപത്രിയിലെത്തും മുമ്പേ മരിക്കുകയായിരുന്നു. ആഭ്യന്തരമന്ത്രി ജി പരമേശ്വരയുടെയും മുന് സ്പീക്കര് രമേശ് കുമാറിന്റെയും അടുത്ത അനുയായിയാണ് ശ്രീനിവാസ്. സംഭവത്തില് ശ്രീനിവാസ് പുര പൊലീസ് കേസെടുത്ത് അന്വേഷണം ആരംഭിച്ചു. കൊലപാതകത്തിന് പിന്നിലെ കാരണമെന്തെന്ന് വ്യക്തമായില്ല.
പ്രതികരിക്കാൻ ഇവിടെ എഴുതുക