ന്യൂഡല്ഹി: തെരഞ്ഞെടുപ്പിന് മുന്നോടിയായി സര്ക്കാര് ഉദ്യോഗസ്ഥരെ ഉപയോഗിച്ചുള്ള പ്രചാരണയാത്ര നിർത്തിവെക്കാൻ കേന്ദ്രത്തിന് തെരഞ്ഞെടുപ്പ് കമ്മീഷന്റെ നിർദേശം. മോദിസര്ക്കാരിന്റെ ഭരണനേട്ടങ്ങള് ജനങ്ങളിലെത്തിക്കാന് സര്ക്കാരിലെ എ ഗ്രൂപ്പ് ഉദ്യോഗസ്ഥരെ വിന്യസിച്ച് നടത്താന് തീരുമാനിച്ച ‘രഥ് യാത്ര’ നിര്ത്തിവെയ്ക്കണമെന്ന് ആവശ്യപ്പെട്ട് കേന്ദ്രസര്ക്കാരിന് തെരഞ്ഞെടുപ്പ് കമ്മീഷന് കത്തയച്ചു.
നിയമസസഭാ തെരഞ്ഞെടുപ്പ് നടക്കുന്ന മധ്യപ്രദേശ്, രാജസ്ഥാന്, ഛത്തീസ്ഗഢ്, മിസോറം, തെലങ്കാന എന്നി അഞ്ച് സംസ്ഥാനങ്ങളില് പെരുമാറ്റചട്ടം ഇതിനകം തന്നെ നിലവില് വന്നു. പെരുമാറ്റചട്ടം നിലവില് വന്ന മണ്ഡലങ്ങളില് ഡിസംബര് അഞ്ചുവരെ യാതൊരുവിധത്തിലുള്ള പ്രവര്ത്തനങ്ങളും പാടില്ലെന്ന് തെരഞ്ഞെടുപ്പ് കമ്മീഷന്റെ ഉത്തരവില് പറയുന്നു.
പ്രതികരിക്കാൻ ഇവിടെ എഴുതുക