ന്യൂഡൽഹി: അസം മുഖ്യമന്ത്രി ഹിമന്ദ ബിശ്വശര്മയ്ക്കും കോണ്ഗ്രസ് നേതാവ് പ്രിയങ്കാ ഗാന്ധിക്കും കമ്മീഷന് നോട്ടീസ്. പെരുമാറ്റച്ചട്ടം ലംഘിച്ചെന്ന പരാതിയില് ആണ് നടപടി. രാജസ്ഥാനില് പ്രധാനമന്ത്രി നരേന്ദ്രമോദിക്കെതിരെ അപകീര്ത്തികരമായി പ്രസംഗിച്ചെന്ന ബിജെപിയുടെ പരാതിയിലാണ് പ്രിയങ്കാ ഗാന്ധിയോട് കമ്മീഷന് വിശദീകരണം തേടിയത്.
കോണ്ഗ്രസ് എംഎല്എക്കെതിരെ വര്ഗീയ പരാമര്ശങ്ങളോടെ പ്രസംഗിച്ചെന്ന പരാതിയിലാണ് ഹിമന്ദ ബിശ്വശര്മയ്ക്ക് നോട്ടീസ് അയച്ചത്.
20ന് നടന്ന ഒരു പൊതുപരിപാടിയില് നടത്തിയ പരാമര്ശത്തിലാണ് പ്രിയങ്ക ഗാന്ധിയ്ക്ക് തെരഞ്ഞെടുപ്പ് കമ്മിഷന് നോട്ടീസ് നല്കിയത്. മോദി ഒരു ക്ഷേത്രത്തില് നല്കിയ സംഭാവനയുടെ കവര് തുറന്നപ്പോള് 21 രൂപ മാത്രമാണുണ്ടായിരുന്നതെന്ന് താന് ടിവിയില് കണ്ടെന്നായിരുന്നു പ്രിയങ്കാ ഗാന്ധിയുടെ പരാമര്ശം.
പ്രതികരിക്കാൻ ഇവിടെ എഴുതുക