കൊച്ചി: സംസ്ഥാനത്തെ ആരാധനാലയങ്ങളില് വെടിക്കെട്ട് നടത്തുന്നതിന് നിരോധനം ഏര്പ്പെടുത്തി ഹൈക്കോടതി. മരട് ക്ഷേത്രത്തില് വെടിക്കെട്ട് നിരോധിക്കണം എന്ന് ആവശ്യപ്പെട്ടുള്ള ഹര്ജിയില് ജസ്റ്റീസ് അമിത് റാവല് ആണ് ഉത്തരവ് പുറപ്പെടുവിച്ചത്. വെടിക്കെട്ട് പരിസ്ഥിതി, ശബ്ദ മലിനീകരണത്തിന് കാരണമാകുന്നുവെന്ന് ഹൈക്കോടതി നിരീക്ഷിച്ചു.
ആരാധനാലയങ്ങളില് വെടിക്കെട്ട് നടക്കുന്നില്ലെന്ന് അതാത് ജില്ലാ കളക്ടര്മാര് ഉറപ്പ് വരുത്തണമെന്നും നിര്ദേശിച്ചു. ദൈവത്തെ പ്രീതിപ്പെടുത്താന് പടക്കം പൊട്ടിക്കണമെന്ന് ഒരു വിശുദ്ധ ഗ്രന്ഥത്തിലും പറയുന്നില്ലെന്ന് ഹൈക്കോടതി പറഞ്ഞു. ആരാധനാലയങ്ങളില് നിയമവിരുദ്ധമായി സൂക്ഷിച്ചിരിക്കുന്ന വെടിമരുന്ന് പരിശോധന നടത്തി പിടിച്ചെടുക്കണമെന്നും കോടതി ഉത്തരവിട്ടു.
പ്രതികരിക്കാൻ ഇവിടെ എഴുതുക