കോഴിക്കോട്: മാധ്യമ പ്രവര്ത്തകയോട് അപമര്യാദയായി പെരുമാറിയെന്ന കേസില് 15ന് ഹാജരാകുമെന്ന് സുരേഷ്ഗോപി. കോഴിക്കോട് നടക്കാവ് പൊലീസ് സ്റ്റേഷനിലാണ് ഹാജരാകുക.18ന് മുമ്പ് ഹാജരാകണമെന്ന് ആവശ്യപ്പെട്ട് സുരേഷ് ഗോപിക്ക് പൊലീസ് നോട്ടീസ് അയച്ചിരുന്നു.
കഴിഞ്ഞ മാസം 27നാണ് കേസിനാസ്പദമായ സംഭവം നടന്നത്. മാധ്യമ പ്രവര്ത്തകര് ചോദ്യങ്ങള് ചോദിക്കുന്നതിനിടയില് സുരേഷ് ഗോപി വനിതാ റിപ്പോര്ട്ടറുടെ തോളില് കൈവയ്ക്കുകയായിരുന്നു. ഒഴിഞ്ഞുമാറിയിട്ടും വീണ്ടും ഇത് ആവര്ത്തിച്ചു. ഇതോടെ മാധ്യമപ്രവര്ത്തകയ്ക്ക് കൈപിടിച്ചു മാറ്റേണ്ടതായി വന്നു.
തുടര്ന്ന് സ്ത്രീത്വത്തെ അപമാനിക്കുകയും മോശം ഉദ്ദേശ്യത്തോടെ പെരുമാറിയെന്നും കാണിച്ച് സുരേഷ് ഗോപിക്കെതിരെ മാധ്യമപ്രവര്ത്തക സിറ്റി പൊലീസ് കമ്മീഷണര്ക്ക് പരാതി നല്കി. നടക്കാവ് സ്റ്റേഷന് പരിധിയില് നടന്ന സംഭവമായതിനാല് പരാതി നടക്കാവ് പൊലീസിന് കൈമാറുകയായിരുന്നു.
പ്രതികരിക്കാൻ ഇവിടെ എഴുതുക