ലക്നൗ: ഓസ്ട്രേലിയന് ക്രിക്കറ്റ് താരം മിച്ചല് മാര്ഷിനെതിരെ ഉത്തര്പ്രദേശില് കേസ് രജിസ്റ്റര് ചെയ്തു. ലോകകപ്പ് ട്രോഫിയോട് അനാദരവ് കാണിച്ചെന്നായിരുന്നു പരാതി. ലോകകപ്പ് മത്സരത്തിന് പിന്നാലെ ട്രോഫിയില് കാല് കയറ്റി വച്ച മിച്ചലിന്റെ ചിത്രം പുറത്തുവന്നിരുന്നു. ഇതിനെതിരെ വിവരാവകാശ പ്രവര്ത്തകനായ പണ്ഡിറ്റ് കേശവ് അലിഗഡ് പോലീസിലാണ് പരാതി നല്കിയത്.
ഇതിനു പിന്നാല മിച്ചലിനെതിരെ പോലീസ് എഫ്ഐആര് രജിസ്റ്റര് ചെയ്തു. ഈ നടപടി ഇന്ത്യന് ക്രിക്കറ്റ് ടീം ആരാധകരെ വല്ലാതെ വ്രണപ്പെടുത്തിയെന്നാണ് പണ്ഡിറ്റ് കേശവിന്റെ ആരോപണം. കൂടാതെ, മിച്ചല് മാര്ഷിനെ ഇന്ത്യയില് ക്രിക്കറ്റ് കളിക്കാന് അനുവദിക്കരുതെന്ന് ആവശ്യപ്പെട്ട് പണ്ഡിറ്റ് കേശവ് പ്രധാനമന്ത്രി നരേന്ദ്ര മോദിക്കും പരാതി നല്കി.
പ്രതികരിക്കാൻ ഇവിടെ എഴുതുക