കൊച്ചി: നവകേരള സദസ്സിലേക്ക് ഇനി സ്കൂള് വിദ്യാര്ഥികളെ പങ്കെടുപ്പിക്കില്ലെന്ന് സര്ക്കാര് ഹൈക്കോടതിയില്. കുട്ടികളെ വെയിലത്ത് നിര്ത്തി മു്ദ്രാവാക്യം വിളിപ്പിച്ചതടക്കമുള്ള ഹര്ജികള് പരിഗണിച്ചപ്പോഴാണ് സര്ക്കാര് നിലപാട് വ്യക്തമാക്കിയത്. കഴിഞ്ഞ ദിവസം നവകേരള സദസ്സിന് അഭിവാദ്യമര്പ്പിക്കാനായി വിദ്യാര്ഥികളെ പൊരിവെയിലത്ത് നിര്ത്തി മുദ്രാവാക്യം വിളിപ്പിച്ചതടക്കമുള്ള വിഷയങ്ങള് വിവാദമായിരുന്നു.
കുട്ടികളെ പങ്കെടുപ്പിക്കണമെന്ന് ആവശ്യപ്പെട്ട് വിദ്യാഭ്യാസ വകുപ്പ് ഉദ്യോഗസ്ഥര് പുറത്തിറക്കിയ എല്ലാ ഉത്തരവുകളും തിങ്കളാഴ്ചയോടെ പിന്വലിക്കുമെന്ന് സര്ക്കാരിനു വേണ്ടി ഹാജരായ അഡിഷണല് അഡ്വക്കറ്റ് ജനറല് അശോക് ചെറിയാന് കോടതിയെ അറിയിച്ചു. കൂടാതെ നവകേരള സദസ്സിനു ആളുകളെയെത്തിക്കാന് സ്കൂള് ബസുകള് വിട്ടുനല്കണമെന്ന് നിര്ദേശം നല്കിയ പൊതുവിദ്യാഭ്യാസ ഡയറക്ടറുടെ ഉത്തരവ് ഉടന് പിന്വലിക്കുമെന്നും സര്ക്കാര് കോടതിയില് അറിയിച്ചു.
അതിനിടെ, കാലിക്കറ്റ് വിസി മലപ്പുറം ജില്ലയിലെ നവകേരള സദസ്സ് വിജയിപ്പിക്കുന്നതിനും അധ്യാപകരുടെയും ജീവനക്കാരുടെയും വിദ്യാര്ഥികളുടെയും പങ്കാളിത്തം ഉറപ്പാക്കുന്നതിനും പ്രത്യേക യോഗങ്ങള് വിളിച്ചു ചേര്ത്തിരിക്കുകയാണ്. എല്ലാ ജില്ലകളിലും കോളേജ് വിദ്യാര്ഥികളെ പങ്കെടുപ്പിക്കാന് നിര്ദേശമുണ്ടെന്ന റിപ്പോര്ട്ടുകളും പുറത്തു വരുന്നുണ്ട്.
പ്രതികരിക്കാൻ ഇവിടെ എഴുതുക