തിരുവനന്തപുരം: കെഎസ്ആര്ടിസിക്ക് സഹായമായി 90.22 കോടി രൂപ കൂടി അനുവദിച്ച് സര്ക്കാര്. ധനമന്ത്രി കെ.എന് ബാലഗോപാലാണ് ഇക്കാര്യം അറിയിച്ചത്. 70.22 കോടി രൂപ പെന്ഷന് വിതരണത്തിനാണ്. സര്ക്കാരിന്റെ സാമ്പത്തിക സഹായമായി 20 കോടി രൂപയും അനുവദിച്ചു. ഈ മാസം ആദ്യം സര്ക്കാര് 30 കോടി രൂപ കെഎസ്ആര്ടിസിക്ക് നല്കിയിരുന്നു. കോര്പറേഷന് ഈവര്ഷത്തെ ബജറ്റ് വിഹിതം 900 കോടി രൂപയാണ്. ഈ വര്ഷം ഇതുവരെ അനുവദിച്ചത് 1234.16 കോടിയാണ്.
രണ്ടാം പിണറായി സര്ക്കാര് അധികാരത്തില് വന്ന ശേഷം ആകെ 4933.22 കോടി രൂപയാണ് കെഎസ്ആര്ടിസിക്ക് സഹായമായി നല്കിയതെന്ന് സര്ക്കാര് വൃത്തങ്ങള്. ഏഴര വര്ഷത്തിനുള്ളില് എല്ഡിഎഫ് സര്ക്കാരുകള് ആകെ നല്കിയത് 9886.22 കോടി രൂപയാണ്. അതേസമയം, കെഎസ്ആര്ടിസി ജീവനക്കാരുടെ യൂണിഫോമില് മാറ്റം വരുത്താനൊരുങ്ങുകയാണ്. വീണ്ടും പഴയ കാക്കി യൂണിഫോമിലേക്കാണ് കെഎസ്ആര്ടിസി തിരിച്ചു വരുന്നത്.
പ്രതികരിക്കാൻ ഇവിടെ എഴുതുക