പത്തനംതിട്ട: റോബിന് ബസ് വീണ്ടും മോട്ടോര് വാഹന വകുപ്പ് പിടിച്ചെടുത്തു. ബസ് പത്തനംതിട്ട എആർ ക്യാമ്പിലേക്ക് മാറ്റി. ഹൈക്കോടതി ഉത്തരവ് തുടർച്ചയായി ലംഘിക്കും വിധം പെര്മിറ്റ് ലംഘനം നടത്തുന്നുയെന്ന് ആരോപിച്ചാണ് ബസ് പിടിച്ചെടുത്തത്.
രാത്രി രണ്ടുമണിയോടെയാണ് ബസ് പിടിച്ചെടുത്തത്. വന് പൊലീസ് സന്നാഹത്തോടെയാണ് മോട്ടോര് വാഹന വകുപ്പ് അധികൃതരുടെ നടപടി.
ഡ്രൈവര്മാരുടെ ലൈസന്സ്, ബസിന്റെ പെര്മിറ്റ് എന്നി റദ്ദാക്കാന് നടപടിയെടുക്കുമെന്ന് മോട്ടോര് വാഹന വകുപ്പ് അധികൃതര് സൂചിപ്പിച്ചു. നിയമലംഘനത്തിന് ആഹ്വാനം നല്കിയ വ്ലോഗര്മാര്ക്കെതിരെയും കേസെടുത്തേക്കും.
ഇതു രണ്ടാം തവണയാണ് റോബിന് ബസ് പിടിച്ചെടുക്കുന്നത്. കോടതി ബസ് പിടിക്കരുതെന്ന് ഇടക്കാല ഉത്തരവുണ്ടെങ്കിലും, തുടര്ച്ചയായി നിയമലംഘനം നടത്തി ജനങ്ങളുടെ ജീവന് സുരക്ഷയില്ലാത്ത രീതിയില് യാത്ര ചെയ്താല് ബസ് പിടിച്ചെടുക്കാന് നിയമപരമായി അധികാരമുണ്ടെന്ന് മോട്ടോര് വാഹന വകുപ്പ് അധികൃതര് പറയുന്നത്.
പ്രതികരിക്കാൻ ഇവിടെ എഴുതുക