ജീത്തു ജോസഫ്- മോഹന്ലാല് കൂട്ടുകെട്ടിലെ പുതിയ ചിത്രം ‘നേരി’ന്റെ ട്രെയ്ലര് പുറത്തെത്തി. സ്പെഷല് പബ്ലിക് പ്രോസിക്യൂട്ടര് വിജയമോഹന് ആയാണ് മോഹന്ലാല് ചിത്രത്തില് എത്തുന്നത്. പ്രിയാമണിയാണ് നായികയായി എത്തുന്നത്.
കഥയെക്കുറിച്ച് സൂചനകളൊന്നും തരാതെ എന്നാല് കഥപറച്ചില് രീതിയെക്കുറിച്ച് സൂചന തന്നുള്ളതാണ് ട്രെയ്ലര്. വലിയ ഇടവേളയ്ക്ക് ശേഷമാണ് മോഹന്ലാല് അഭിഭാഷകന്റെ കുപ്പായമണിയുന്നത്. ക്രിസ്മസ് റിലീസ് ആയി ഡിസംബര് 21 നാണ് ചിത്രം എത്തുന്നത്.
കോര്ട്ട് റൂം ഡ്രാമ വിഭാഗത്തില് പെടുന്ന ചിത്രവുമാണിത്. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂര് ആണ് ചിത്രത്തിന്റെ നിര്മ്മാണം. ദൃശ്യം 2 ല് അഭിഭാഷകയുടെ കഥാപാത്രത്തെ അവതരിപ്പിച്ച അഭിഭാഷ ശാന്തി മായാദേവിയാണ് നേരിന്റെ തിരക്കഥ രചിച്ചിരിക്കുന്നത്.
ചിത്രത്തിന്റെ ഛായാഗ്രഹണം സതീഷ് കുറുപ്പ് ആണ്. എഡിറ്റിംഗ് വി എസ് വിനായക്, സംഗീതം വിഷ്ണു ശ്യാം, കലാസംവിധാനം ബോബന്, ചീഫ് അസോസിയേറ്റ് ഡയറക്ടര് സുധീഷ് രാമചന്ദ്രന്, ഡിസൈന് സേതു ശിവാനന്ദന്.
പ്രതികരിക്കാൻ ഇവിടെ എഴുതുക