തിരുവനന്തപുരം: ശബരിമല സന്നിധാനത്ത് അടിയന്തര വൈദ്യ സഹായത്തിന് കനിവ് 108 സ്പെഷ്യല് റെസ്ക്യൂ ആംബുലന്സിനു അനുമതി നൽകിയതായി ആരോഗ്യ വകുപ്പ് മന്ത്രി വീണാ ജോര്ജ്.
കനിവ് 108 ആംബുലന്സിന്റെ 44 റെസ്ക്യു വാന് അപ്പാച്ചിമേട് കേന്ദ്രമാക്കി പമ്പ മുതല് സന്നിധാനം വരെ സേവനം നടത്തുന്നതിന് കഴിഞ്ഞ ദിവസം ഹൈക്കോടതി അനുമതി നല്കിയതിനെത്തുടര്ന്നാണ് നടപടി.
നിലവില് പമ്പയില് സേവനം നടത്തുന്ന ഈ വാഹനം സന്നിധാനത്തെത്തിക്കും. ദുര്ഘട പാതകളില് അനായാസം സഞ്ചരിക്കാന് കഴിയുന്ന 4×4 വാഹനത്തില് അടിയന്തര വൈദ്യസഹായം നല്കാന് വേണ്ടിയുള്ള മരുന്നുകളും ഉപകരണങ്ങളും ലഭ്യമാണ്.
രോഗികളെ പരിചരിക്കുന്നതിന് പ്രത്യേക പരിശീലനം ലഭിച്ച ഒരു എമര്ജന്സി മെഡിക്കല് ടെക്നീഷ്യന്റെ സേവനം ഈ വാഹനത്തില് ഉണ്ടായിരിക്കുമെന്നും മന്ത്രി വ്യക്തമാക്കി.
പ്രതികരിക്കാൻ ഇവിടെ എഴുതുക