കോണ്ഗ്രസ് രാജ്യസഭാ എംപി ധീരജ് പ്രസാദ് സാഹുവില് നിന്ന് കോടിക്കണക്കിന് രൂപ ആദായനികുതി വകുപ്പ് കണ്ടെത്തിയിട്ടും അദ്ദേഹത്തെ സസ്പെന്ഡ് ചെയ്യാത്തതില് ഇന്ത്യ മുന്നണിയെ വിമര്ശിച്ച് കേന്ദ്ര ആഭ്യന്തരമന്ത്രി അമിത് ഷാ രംഗത്ത്.
ജാര്ഖണ്ഡില് ഇപ്പോള് ഒരു എംപിയുണ്ട്, അദ്ദേഹം ഏത് പാര്ട്ടിക്കാരനാണെന്ന് ഞാന് പറയേണ്ടതില്ല. പക്ഷേ ലോകത്തിന് മുഴുവന് അതിനെക്കുറിച്ച് അറിയാം. ബാങ്ക് കാഷ്യര് പോലും പറയുന്നു താന് പോലും ഇത്രയും കാശ് കണ്ടിട്ടില്ലെന്ന്. പക്ഷേ ഇന്ത്യ മുന്നണിയില് നിന്നുള്ള ആരും ഇതിനെക്കുറിച്ച് പ്രതികരിക്കുകയോ അദ്ദേഹത്തെ സസ്പെന്ഡ് ചെയ്യുകയോ ചെയ്തിട്ടില്ലെന്നാണ് ഷാ പറഞ്ഞത്.
അതേസമയം എംപിയുടെ പേരോ പാര്ട്ടിയുടെ പേരോ അമിത് ഷാ വെളിപ്പെടുത്തിയില്ല. ഇതുവരെ 351 കോടി രൂപയുടെ കള്ളപ്പണമാണ് ധീരജ് പ്രസാദ് സാഹുവില് നിന്ന് പിടിച്ചെടുത്തത്.
പ്രതികരിക്കാൻ ഇവിടെ എഴുതുക