തിരുവനന്തപുരം: സംസ്ഥാനത്തെ 33 തദ്ദേശ വാർഡുകളിലേക്കുള്ള ഉപതിരഞ്ഞെടുപ്പ് ഇന്ന് ആരംഭിച്ചു. രാവിലെ ഏഴു മണി മുതല് വൈകുന്നേരം ആറുവരെയാണ് വോട്ടെടുപ്പ്.
14 ജില്ലകളിലായി ഒരു ജില്ലാ പഞ്ചായത്ത്, അഞ്ച് ബ്ലോക്ക് പഞ്ചായത്ത്, 24 ഗ്രാമപഞ്ചായത്ത്, മൂന്ന് മുനിസിപ്പാലിറ്റി വാർഡുകളിലാണ് ഉപതെരഞ്ഞെടുപ്പ് നടക്കുന്നത്. ആകെ 114 സ്ഥാനാർത്ഥികളാണ് ജനവിധി തേടുന്നത്. അതിൽ 47 പേർ സ്ത്രീകളാണ്.
വോട്ടെടുപ്പിമായി 192 പോളിംഗ് ബൂത്തുകളാണ് സജ്ജീകരിച്ചിരിക്കുന്നത്. തെരഞ്ഞെടുപ്പ് നടക്കുന്ന വാര്ഡുകളിലെ അന്തിമ വോട്ടര് പട്ടികയില് ആകെ 1,43,345 വോട്ടര്മാരാണുള്ളത്. 67,764 പുരുഷന്മാരും 75,581 സ്ത്രീകളും.
പ്രശ്നബാധിത ബൂത്തുകളില് വീഡിയോഗ്രഫിയും പ്രത്യേക പൊലീസ് സുരക്ഷയും ഏര്പ്പെടുത്തും. വോട്ടെണ്ണല് നാളെ രാവിലെ 10 മുതല് വിവിധ കേന്ദ്രങ്ങളില് നടത്തും. വോട്ടെണ്ണല് ഫലം www.sec.kerala.gov.in സൈറ്റിലെ TREND ല് ലഭ്യമാകും.
പ്രതികരിക്കാൻ ഇവിടെ എഴുതുക