തിരുവനന്തപുരം: ആരോഗ്യ സംരക്ഷണത്തിന്റെ ഭാഗമായി പ്രഭാത നടത്തിനു പോകുന്ന ആളുകളുടെ എണ്ണം വര്ധിച്ചിട്ടുണ്ട്. എന്നാല് പ്രഭാത നടത്തത്തിന് സുരക്ഷിതമായ പാത തെരഞ്ഞെടുത്തില്ലെങ്കില് അപകടം ഉണ്ടാവാനുള്ള സാധ്യത കൂടുതലാണെന്ന് മുന്നറിയിപ്പ് നൽകിയിരിക്കുകയാണ് മോട്ടോർ വാഹനവകുപ്പ്.
കറുത്ത വസ്ത്രവും, വെളിച്ചമില്ലായ്മയും ,കറുത്ത റോഡും പ്രഭാത സവാരിക്കാരനെ തൊട്ടടുത്ത് നിന്നാല് പോലും കാണുക അസാദ്ധ്യമാക്കുന്ന കാര്യമാണ്. അപകടങ്ങളില് പെടാതിരിക്കാന് കാല്നട യാത്രക്കാര് ശ്രദ്ധിക്കേണ്ട കാര്യങ്ങള് ഫെയ്സ്ബുക്കില് പങ്കുവെച്ചിരിക്കുകയാണ് മോട്ടോര് വാഹനവകുപ്പ്.
ശ്രദ്ധിക്കേണ്ട പ്രധാന കാര്യങ്ങള്
സവാരി കഴിയുന്നതും പ്രഭാത വെളിച്ചത്തിലാക്കാം.
കഴിയുന്നതും നടപ്പിനായി മൈതാനങ്ങളോ പാര്ക്കുകളോ തിരഞ്ഞെടുക്കുക.
വെളിച്ചമുള്ളതും, ഫുട്പാത്തുകള് ഉള്ളതുമായ റോഡുകള് തിരഞ്ഞെടുക്കാം .
തിരക്കേറിയതും, വാഹനങ്ങളുടെ വേഗത കൂടുതലുള്ളതും ആയ റോഡുകള് പൂര്ണ്ണമായും ഒഴിവാക്കുക.
ഫുട്പാത്ത് ഇല്ലെങ്കില് നിര്ബന്ധമായും അരികില് കൂടി വരുന്ന വാഹനങള് കാണാവുന്ന രീതിയില് റോഡിന്റെ വലത് വശം ചേര്ന്ന് നടക്കുക.
വെളുത്തതോ ഇളം നിറത്തിലുള്ളതോ ആയ വസ്ത്രങ്ങള് തിരഞ്ഞെടുക്കാം.
കറുത്ത നിറത്തിലുള്ള വസ്ത്രങ്ങള് പൂര്ണ്ണമായും ഒഴിവാക്കണം.
സാധ്യമെങ്കില് റിഫ്ളക്ടീവ് ജാക്കറ്റുകളൊ അത്തരം വസ്ത്രങ്ങളൊ ഉപയോഗിക്കുക.
വലതുവശം ചേര്ന്ന് റോഡിലൂടെ നടക്കുമ്പോള് 90 ഡിഗ്രി തിരിവില് നമ്മളെ പ്രതീക്ഷിക്കാതെ വാഹനങ്ങള് പാഞ്ഞു വരാമെന്ന ശ്രദ്ധ വേണം .
ഫോണ് ഉപയോഗിച്ചു കൊണ്ടും ഇയര് ഫോണ് ഉപയേഗിച്ച് പാട്ട് കേട്ടുകൊണ്ടും നടക്കുന്നത് ഒഴിവാക്കണം.
കുട്ടികള് കൂടെയുണ്ടെങ്കില് അധിക ശ്രദ്ധ നല്കണം.
റോഡിലൂടെ വര്ത്തമാനം പറഞ്ഞു കൂട്ടം കൂടി നടക്കുന്നത് ഒഴിവാക്കണം.
വലതുവശം ചേര്ന്ന് റോഡിലൂടെ നടക്കുമ്പോള് 90 ഡിഗ്രി തിരിവില് നമ്മളെ പ്രതീക്ഷിക്കാതെ പാഞ്ഞുവരുന്ന ഒരു വാഹനത്തിനായി പ്രത്യേകം ശ്രദ്ധ വേണം.
മൂടല് മഞ്ഞ്, മഴ എന്നീ സന്ദര്ഭങ്ങളില് ഡ്രൈവര്മാര്ക്ക് റോഡിന്റെ വശങ്ങള് നന്നായി കാണാന് കഴിയില്ല എന്ന കാര്യം മനസിലാക്കി ശ്രദ്ധിച്ചു നടക്കുക. കഴിയുമെങ്കില് പ്രതികൂല കാലാവസ്ഥ ഒഴിവാക്കുക.
ഫേസ്ബുക് കുറിപ്പിന്റെ പൂർണ്ണരൂപം…
പ്രതികരിക്കാൻ ഇവിടെ എഴുതുക