തിരുവനന്തപുരം: കേരളത്തില് കൊവിഡ് ബാധിക്കുന്നവരുടെ എണ്ണത്തില് വര്ധനവെന്ന് റിപ്പോര്ട്ട്. ഇന്നലെ മാത്രം 111 കേസുകള് സ്ഥിരീകരിച്ചതായാണ് കണക്കുകള്. ഒരു മരണവും കൊവിഡ് രോഗബാധ മൂലം കേരളത്തില് റിപ്പോര്ട്ട് ചെയ്തിട്ടുണ്ട്. ഇന്നലെ രാജ്യത്ത് ആകെ സ്ഥിരീകരിച്ചത് 122 കേസുകളായിരുന്നു. ആക്ടീവ് കേസുകള് രാജ്യത്ത് 1828 ആയി ഉയര്ന്നിട്ടുണ്ട്. ഇതില് കേരളത്തില് മാത്രം 1634 കേസുകളുണ്ട്.
തമിഴ്നാട്ടില് ഇന്നലെ 15 കേസുകളാണ് അധികമായി റിപ്പോര്ട്ട് ചെയ്തത്. കര്ണാടകയില് 60 കേസുകളാണ് ആക്ടീവായുള്ളത്. ഗോവയില് രണ്ട് കേസുകളും അധികമായി റിപ്പോര്ട്ട് ചെയ്തിട്ടുണ്ട്. ഗുജറാത്തില് ഒരു കേസും അധികമായി റിപ്പോര്ട്ട് ചെയ്തു. കൊവിഡിന്റെ വകഭേദമായ ഒമിക്രോണിന്റെ ഉപവകഭേദമായ ജെഎന് വണ് ആണ് റിപ്പോര്ട്ട് ചെയ്തിരിക്കുന്നത്.
ചില രാജ്യങ്ങളില് രോഗ ലക്ഷണങ്ങളുമായി നിരവധി പേര് ആശുപത്രിയില് ചികിത്സയിലെത്തുന്നതിന് കാരണം ഈ വൈറസിന്റെ സാന്നിധ്യമാണെന്നാണ് വിലയിരുത്തല്. നിലവില് ഇന്ത്യയില് കണ്ടെത്തിയ എക്സ്ബിബി അടക്കമുള്ള വകഭേദങ്ങളേക്കാള് ജെഎന് 1 വകഭേദം വളരെ വേഗത്തില് പടരുന്നതും പ്രതിരോധശേഷിയെ മറികടക്കുന്നതുമാണെന്നാണ് വിദഗ്ധര് പറയുന്നത്.
കൊവിഡ് ബാധിച്ച് രോഗം ഭേദപ്പെട്ടവരെയും, വാക്സിനെടുത്തവരെയും ഈ വൈറസ് ബാധിക്കും. ജെഎന് 1ന്റെ രോഗ ലക്ഷണങ്ങള് മറ്റു വകഭേദങ്ങളുമായി സാമ്യമുള്ളതാണ്. പനി, ജലദോഷം, തലവേദന അടക്കമുള്ള ലക്ഷണങ്ങള് കാണുന്നതായി ആരോഗ്യ വിദഗ്ധര് പറയുന്നു. നാലോ അഞ്ചോ ദിവസങ്ങള്ക്കുള്ളിലാണ് ലക്ഷണങ്ങള് കൂടുതല് പ്രകടമാവുക.
പ്രതികരിക്കാൻ ഇവിടെ എഴുതുക