അമിതവണ്ണം ഇന്ന് പലരിലും കണ്ട് വരുന്ന പ്രശ്നമാണ്. ശരീരഭാരം കുറയ്ക്കുന്നതിന് ചെയ്യേണ്ട ചില കാര്യങ്ങൾ നോക്കാം.
ഒരു ദിവസത്തെ ഏറ്റവും പ്രധാനപ്പെട്ട ഭക്ഷണമാണ് പ്രാതൽ. പ്രോട്ടീൻ അടങ്ങിയ ഭക്ഷണങ്ങൾ പ്രാതലിൽ ഉൾപ്പെടുത്തുന്നത് അടിവയറ്റിലെ കൊഴുപ്പ് കുറയ്ക്കുന്നതിന് സഹായിക്കും. പ്രോട്ടീൻ അടങ്ങിയ ഭക്ഷണങ്ങൾ കഴിക്കുന്നത് വിശപ്പ് കുറയ്ക്കുന്നതിന് സഹായിക്കും.
ദിവസവും ഇളം ചൂടുള്ള വെള്ളം കുടിച്ച് കൊണ്ട് ദിവസം തുടങ്ങുക. ഇത് കൊഴുപ്പ് കുറയ്ക്കുന്നതിന് സഹായിക്കുന്നു. വെറും വയറ്റിൽ വെള്ളം കുടിക്കുന്നത് വയർ ശുദ്ധീകരിക്കുകയും ദഹനപ്രശ്നങ്ങൾ കുറയ്ക്കുന്നതിനും സഹായിക്കും.
വിറ്റാമിൻ ഡി ശരീരത്തിലെ അമിതകൊഴുപ്പ് കുറയ്ക്കുന്നതിന് സഹായിക്കും. വിറ്റാമിൻ ഡി ശരീരത്തിലെ പുതിയ കൊഴുപ്പ് കോശങ്ങളുടെ രൂപീകരണം കുറയ്ക്കുമെന്ന് പഠനങ്ങൾ പറയുന്നു. കൊഴുപ്പ് കോശങ്ങളുടെ സംഭരണത്തെ കുറയ്ക്കാനും കൊഴുപ്പ് അടിഞ്ഞുകൂടുന്നത് ഫലപ്രദമായി കുറയ്ക്കാനും വിറ്റാമിൻ ഡിയ്ക്ക് കഴിയും.
എല്ലാ ദിവസവും ശരീരഭാരം പരിശോധിക്കുന്നത് ഭാരം കുറയ്ക്കുന്നതിന് സഹായിക്കുമെന്ന് പഠനങ്ങൾ പറയുന്നു. അതിരാവിലെ വെറും വയറുമായിട്ടായിരിക്കണം ശരീരഭാരം പരിശോധിക്കേണ്ടത്. വെള്ളമോ മരുന്നോ ചായയോ മറ്റെന്തെങ്കിലുമോ കഴിക്കാതെ പരിശോധിക്കുമ്പോഴാണ് ശരിയായ തൂക്കം എത്രയാണെന്ന് ലഭിക്കുക എന്ന് വിദഗ്ധർ പറയുന്നു.
നടത്തം, നൃത്തം, ഓട്ടം അല്ലെങ്കിൽ നീന്തൽ തുടങ്ങിയ വ്യായാമങ്ങൾ ഭാരം കുറയ്ക്കുന്നതിന് സഹായിക്കുന്നു. യോഗ, മെഡിറ്റേഷൻ എന്നിവയും വയറിലെ കൊഴുപ്പ് കുറയ്ക്കാൻ സഹായിക്കും.
പ്രതികരിക്കാൻ ഇവിടെ എഴുതുക