ബെയ്ജിങ്: ചൈനയിലെ ഗാന്സു പ്രവിശ്യയിലുണ്ടായ വന് ഭൂകമ്പത്തില് രക്ഷാപ്രവര്ത്തനം തുടരുന്നു. നങ്ങളുടെ ജീവനും സ്വത്തിനും സുരക്ഷ ഉറപ്പാക്കാന് ആവശ്യമായ എല്ലാ നടപടികളും സ്വീകരിക്കുമെന്ന് പ്രസിഡന്റ് ഷി ജിന്പിങ് അറിയിച്ചു. ഇന്നലെ അര്ധരാത്രിയോടെയാണ് ഭൂകമ്പമുണ്ടായത്. 6.2 തീവ്രത രേഖപ്പെടുത്തിയ ഭൂചലനത്തില് 111 പേര് മരിച്ചതായും 200-ലധികം പേര്ക്ക് പരിക്കേറ്റതായുമാണ് റിപ്പോര്ട്ടുകള്.
രക്ഷാപ്രവര്ത്തനത്തിനായി മുന്നിട്ടിറങ്ങാന് പ്രസിഡന്റ് ആഹ്വാനം ചെയ്തു. വീടുകള്ക്കും മറ്റ് കെട്ടിടങ്ങള്ക്കും കാര്യമായ നാശനഷ്ടങ്ങള് സംഭവിച്ചു. ചില പ്രദേശങ്ങളില് വൈദ്യുതിയും ജലവിതരണവും തടസ്സപ്പെട്ടിട്ടുണ്ട്. റോഡുകളും തകര്ന്നിട്ടുണ്ട്. ഭൂകമ്പത്തിന്റെ ആഘാതം വെളിവാക്കുന്ന നിരവധി വീഡിയോകളാണ് പുറത്തുവന്നിട്ടുള്ളത്.
പ്രതികരിക്കാൻ ഇവിടെ എഴുതുക