ഡല്ഹി: ഗുസ്തി ഫെഡറേഷന് ഓഫ് ഇന്ത്യയുടെ പുതിയ അധ്യക്ഷനായി സഞ്ജയ് സിങ്. തിരഞ്ഞെടുപ്പിലാണ് സഞ്ജയ് സിങ് പുതിയ അധ്യക്ഷനായത്. ഗുസ്തി താരങ്ങളുടെ ലൈംഗിക പീഡന പരാതിയില് അന്വേഷണം നേരിടുന്ന ബിജെപി എംപിയും മുന് അധ്യക്ഷനുമായ ബ്രിജ് ഭൂഷന് ശരണ് സിങിന്റെ വിശ്വസ്തനാണ് സഞ്ജയ് സിങ്.
യുപി ഗുസ്തി അസോസിയേഷന് വൈസ് പ്രസിഡന്റായി ദീര്ഘ നാളായി പ്രവര്ത്തിച്ച വ്യക്തിയാണ് സഞ്ജയ് സിങ്. അനിത ഷെറോണിനെ പരാജയപ്പെടുത്തിയാണ് സഞ്ജയ് സിങ് പുതിയ പ്രസിഡന്റായി തെരഞ്ഞെടുക്കപ്പെട്ടത്. 40 വോട്ടുകളാണ് സഞ്ജയ് സിങ് നേടിയത്. അനിതക്ക് ഏഴ് വോട്ടുകള് മാത്രമാണ് ലഭിച്ചത്. ബ്രിജ് ഭൂഷന്റെ പാനലിനു തന്നെയാണ് തെരഞ്ഞെടുപ്പില് ആധിപത്യമുണ്ടായിരുന്നത്.
പ്രതികരിക്കാൻ ഇവിടെ എഴുതുക