ഓസ്കര് പുരസ്കാരത്തിനുള്ള ഇന്ത്യയുടെ ഒഫിഷ്യല് എന്ട്രിയായ മലയാള ചിത്രം ‘2018’ന് അന്തിമ ചുരുക്കപ്പട്ടികയില് ഇടം നേടാനായില്ല. ജൂഡ് ആന്റണി ജോസഫിന്റെ സംവിധാനത്തിലെത്തി ബോക്സ്ഓഫീസ് കളക്ഷന് സ്വന്തമാക്കിയ ചിത്രമാണ് 2018. ആദ്യമായി മലയാളത്തില് നിന്ന് 200 കോടി ക്ലബില് എത്തിയ ചിത്രമാണിത്.
കേരളം 2018-ല് അനുഭവിച്ച പ്രളയത്തിന്റെ കഥയായിരുന്നു പ്രമേയം. സാങ്കേതികത്തികവോടെ കേരളത്തിന്റെ നേര് അനുഭവങ്ങള് സിനിമയിലേക്ക് പകര്ത്തിയിരുന്നു. കലാപരമായും മികച്ചുനിന്ന ചിത്രമായിരുന്നു 2018. ബോക്സ് ഓഫീസില് 2018 പല കളക്ഷന് റെക്കോര്ഡുകളും ഭേദിച്ച് മലയാളത്തിന്റെ ഒന്നാം സ്ഥാനത്ത് എത്തുകയും ചെയ്തു. അന്യ ഭാഷകളിലും ചിത്രത്തിന് വലിയ സ്വീകാര്യത ലഭിച്ചിരുന്നു. തെലുങ്കില് 2018 നേടിയത് 10 കോടിയില് അധികമാണ് എന്നാണ് റിപ്പോര്ട്ട്.
ടൊവിനോ തോമസ്, ആസിഫ് അലി, കുഞ്ചാക്കോ ബോബന്, നരെയ്ന്, ലാല്, വിനീത് ശ്രീനിവാസന്, സുധീഷ്, അജു വര്ഗീസ്, അപര്ണ ബാലമുരളി, തന്വി റാം, ശിവദ, ഗൗതമി നായര്, സിദ്ദിഖ്, രണ്ജി പണിക്കര്, ജനാര്ദനന്, രമേഷ് തിലക്, വിനിത ജോഷി, ജി സുരേഷ് കുമാര്, റോണി ഡേവിഡ്, കലാഭവന് ഹനീഫ് തുടങ്ങി വന് താരനിരയാണ് ‘2018’ല് വേഷമിട്ടത്. തിരക്കഥയില് അഖില് ധര്മജനും പങ്കാളിയാണ്.
പ്രതികരിക്കാൻ ഇവിടെ എഴുതുക