ഗിരിഷ് എ.ഡിയുടെ സംവിധാനത്തില് നസ്ലിന്, മമിത ബൈജു എന്നിവര് കേന്ദ്ര കഥാപാത്രങ്ങളായെത്തുന്ന ചിത്രം ‘പ്രേമലു’വിന്റെ സെക്കന്റ് ലുക്ക് പോസ്റ്റര് പുറത്തിറങ്ങി. ഭാവന സ്റ്റുഡിയോസിന്റെ ബാനറില് ദിലീഷ് പോത്തന്, ഫഹദ് ഫാസില്, ശ്യാം പുഷ്ക്കരന് എന്നിവര് ചേര്ന്ന് നിര്മ്മിക്കുന്ന റൊമാന്റിക് കോമഡി ചിത്രമാണ് പ്രേമലു.
ഹൈദരാബാദിന്റെ പശ്ചാത്തലത്തിലാണ് ചിത്രം ഒരുങ്ങുന്നത്. ക്രിസ്മസ് ആഘോഷത്തോടനുബന്ധിച്ചാണ് അണിയറ പ്രവര്ത്തകര് പോസ്റ്റര് പുറത്തുവിട്ടത്. ശ്യാം മോഹന്, അഖില ഭാര്ഗവന്, സംഗീത് പ്രതാപ്, അല്താഫ് സലിം, മീനാക്ഷി രവീന്ദ്രന് എന്നിവരാണ് മറ്റു പ്രധാന വേഷങ്ങളിലെത്തുന്നത്. വിഷ്ണു വിജയ് ആണ് ചിത്രത്തിന് സംഗീതം നല്കിയിരിക്കുന്നത്.
ഗിരീഷ് എഡിയും കിരണ് ജോസിയും ചേര്ന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ചിത്രത്തിന്റെ ഛായാഗ്രഹണം നിര്വഹിച്ചിരിക്കുന്നത് അജ്മല് സാബുവാണ്. ഫെബ്രുവരിയില് ചിത്രം തിയറ്ററുകളില് എത്തുമെന്നാണ് റിപ്പോര്ട്ട്.
പ്രതികരിക്കാൻ ഇവിടെ എഴുതുക