ലിജോ ജോസ് പെല്ലിശ്ശേരിയുടെ മോഹന്ലാല് ചിത്രം മലൈക്കോട്ടൈ വാലിബനിലെ ‘റാക്ക്’ ലിറിക്കല് ഗാനം പുറത്തുവിട്ട് അണിയറപ്രവര്ത്തകര്. ‘റാക്ക് സോങ് യാത്രികരുടെ രാത്രി വിശ്രമ കേന്ദ്രത്തിലെ ഒരു ഗാനമാണ്. മോഹന്ലാലാണ് ഈ ഗാനം ആലപിച്ചിരിക്കുന്നത്. 2024 ജനുവരി 25-നാണ് മലൈക്കോട്ടൈ വാലിബന് തിയേറ്ററുകളിലേക്കെത്തുന്നത്. ചിത്രത്തിന്റെ തിരക്കഥ ഒരുക്കിയിരിക്കുന്നത് പി.എസ്. റഫീഖാണ്. അദ്ദേഹം തന്നെയാണ് ഗാനവും രചിച്ചിരിക്കുന്നത്.
സൊണാലി കുല്ക്കര്ണി, ഹരീഷ് പേരടി, ഡാനിഷ് സെയ്ത്, മനോജ് മോസസ്, കഥ നന്ദി, മണികണ്ഠന് ആചാരി തുടങ്ങി നിരവധി താരങ്ങളാണ് ചിത്രത്തില് പ്രധാന വേഷങ്ങളിലെത്തുന്നത്. ഷിബു ബേബി ജോണ്, അച്ചു ബേബി ജോണ് എന്നിവരുടെ നേതൃത്വത്തിലുള്ള ജോണ് ആന്ഡ് മേരി ക്രിയേറ്റിവിസ്, കൊച്ചുമോന്റെ ഉടമസ്ഥതയിലുള്ള സെഞ്ച്വറി ഫിലിംസ്, അനൂപിന്റെ മാക്സ് ലാബ്, വിക്രം മെഹ്റ, സിദ്ധാര്ഥ് ആനന്ദ് കുമാര് എന്നിവരുടെ ഉടമസ്ഥയിലുള്ള സരിഗമ ഇന്ത്യാ ലിമിറ്റഡ് എന്നിവരാണ് ചിത്രത്തിന്റെ നിര്മ്മാതാക്കള്.
രാജസ്ഥാന്, ചെന്നൈ, പോണ്ടിച്ചേരി എന്നീ സ്ഥലങ്ങളിലാണ് മലൈക്കോട്ടൈ വാലിബന്റെ ചിത്രീകരണം നടന്നത്. ‘ചുരുളി’ക്ക് ശേഷം മധു നീലകണ്ഠന് വീണ്ടും ലിജോയ്ക്ക് വേണ്ടി ക്യാമറ ചലിപ്പിക്കുന്ന ചിത്രത്തിന്റെ സംഗീതം നിര്വഹിക്കുന്നത് പ്രശാന്ത് പിള്ളയാണ്.
പ്രതികരിക്കാൻ ഇവിടെ എഴുതുക