ഡല്ഹി: അദാനി ഗ്രൂപ്പിനെതിരെ യുഎസ് ആസ്ഥാനമായുള്ള ഹിന്ഡന്ബര്ഗ് റിസര്ച്ച് ഉന്നയിച്ച ആരോപണങ്ങളില് അന്വേഷണം ആവശ്യപ്പെട്ടുള്ള ഹര്ജികളില് സുപ്രീം കോടതി വിധി ഇന്ന്. കോടതിയുടെ മേല്നോട്ടത്തില് അന്വേഷണം ആവശ്യപ്പെട്ടുള്ള ഹര്ജികളിലാണ് വിധി പറയുക. കഴിഞ്ഞ വര്ഷം നവംബറില് കേസ് വിധി പറയാനായി സുപ്രീം കോടതി മാറ്റിവെയ്ക്കുകയായിരുന്നു.
അദാനി ഗ്രൂപ്പിന്റെ സാമ്പത്തിക പ്രവര്ത്തനങ്ങളിലും വ്യാപാര പ്രവര്ത്തനങ്ങളിലും സെക്യൂരിറ്റീസ് ആന്ഡ് എക്സ്ചേഞ്ച് ബോര്ഡ് ഓഫ് ഇന്ത്യയെ (സെബി) ഇടപെടാന് പ്രേരിപ്പിച്ചെന്ന് ഹിന്ഡന്ബര്ഗ് റിസര്ച്ച് ഉന്നയിച്ചിരുന്നു. ഈ ആരോപണങ്ങളുമായി ബന്ധപ്പെട്ടതാണ് കേസ്. ഹിന്ഡന്ബര്ഗ് റിപ്പോര്ട്ടിന്റെ പശ്ചാത്തലത്തില് അദാനി ഗ്രൂപ്പിന്റെ സെക്യൂരിറ്റീസ് നിയമ ലംഘനങ്ങളെക്കുറിച്ച് അന്വേഷിക്കാന് മാര്ച്ചില് സുപ്രീം കോടതി സെബിയോട് നിര്ദ്ദേശിച്ചിരുന്നു.
ഇതിനായി മുന് സുപ്രീം കോടതി ജഡ്ജി ജസ്റ്റിസ് എഎം സപ്രെയുടെ നേതൃത്വത്തില് ആറ് അംഗങ്ങള് അടങ്ങുന്ന ഒരു വിദഗ്ധ സമിതിയും കോടതി രൂപീകരിച്ചിരുന്നു. വിഷയത്തില് വാദം നടക്കുന്നതിടെ, വിഷയത്തില് അന്വേഷണം പൂര്ത്തിയാക്കുന്നതില് കാലതാമസം വരുത്തിയെന്നാരോപിച്ച് സെബിയ്ക്കെതിരെയും ഹിന്ഡര്ബര്ഗ് ഹര്ജി സമര്പ്പിച്ചിരുന്നു.
പ്രതികരിക്കാൻ ഇവിടെ എഴുതുക