തൃശൂര്: പ്രധാനമന്ത്രി നരേന്ദ്ര മോദിയുടെ സന്ദര്ശനത്തോട് അനുബന്ധിച്ച് ജനുവരി 17 ന് ഗുരുവായൂര് ക്ഷേത്രത്തില് വിവാഹങ്ങള്ക്ക് വിലക്ക്. അന്നേ ദിവസം രാവിലെ ആറ് മുതല് ഒമ്പത് വരെയാണ് വിവാഹങ്ങള്ക്ക് വിലക്കേര്പ്പെടുത്തിയിരിക്കുന്നത്. നേരത്തെ ബുക്ക് ചെയ്ത വിവാഹങ്ങള്ക്കും വിലക്ക് ബാധകമാണെന്നാണ് വിവരം.
നടനും ബിജെപി നേതാവുമായ സുരേഷ് ഗോപിയുടെ മകളുടെ വിവാഹത്തില് പങ്കെടുക്കാനാണ് പ്രധാനമന്ത്രി ഗുരുവായൂരിലെത്തുന്നത്. രാവിലെ എട്ടിന് ശ്രീകൃഷ്ണ ഗ്രൗണ്ടിലെ ഹെലിപാഡില് മോദി ഇറങ്ങും.
ക്ഷേത്ര ദര്ശനത്തിന് ശേഷമാണ് സുരേഷ് ഗോപിയുടെ മകളുടെ വിവാഹത്തില് പങ്കെടുക്കുക. അതേസമയം, വെള്ളിയാള്ച മുതല് നഗരത്തില് ഗതാഗത നിയന്ത്രണമുണ്ടാകും. പ്രധാനമന്ത്രിയുടെ സന്ദര്ശനം കണക്കിലെടുത്ത് കനത്ത സുരക്ഷ ക്രമീകരണങ്ങളാണ് ഒരുക്കിയിരിക്കുന്നത്.
പ്രതികരിക്കാൻ ഇവിടെ എഴുതുക