ഇംഫാൽ: രാഹുല് ഗാന്ധി നയിക്കുന്ന ഭാരത് ജോഡോ ന്യായ് യാത്രയ്ക്ക് മണിപ്പൂരില് തുടക്കമായി. മണിപ്പൂരിലെ തൗബാല് ജില്ലയിൽ നിന്നാണ് യാത്രയ്ക്ക് തുടക്കമായത്. രാഹുല് ഗാന്ധിയും എഐസിസി അധ്യക്ഷന് മല്ലികാര്ജുന് ഖര്ഗെയും ചേര്ന്നാണ് യാത്രയുടെ ഫ്ളാഗ് ഓഫ് നിര്വഹിച്ചത്.
കേന്ദ്രസര്ക്കാരിനെ രൂക്ഷമായി വിമര്ശിച്ചുകൊണ്ടായിരുന്നു യാത്രയെ അഭിസംബോധന ചെയ്ത് മല്ലികാര്ജുന് ഖര്ഗെ പ്രസംഗിച്ചത്. ഭരണഘടനയുടെ ആമുഖത്തില് പറയുന്ന മൂല്യങ്ങളെ സംരക്ഷിക്കാനാണ് രാഹുലിന്റെ ഈ യാത്രയെന്ന് മല്ലികാര്ജുന് ഖര്ഗെ പറഞ്ഞു.
ബിജെപി ജനങ്ങളെ ഭിന്നിപ്പിക്കാനാണ് ശ്രമിക്കുന്നത്. ഭരണഘടനയ്ക്കും കര്ഷകരുടെ അവകാശങ്ങള്ക്കും യുവാക്കള്ക്ക് തൊഴിലവസരങ്ങളുണ്ടാകാനും വിലക്കയറ്റത്തെ തടയാനുമാണ് രാഹുല് ഗാന്ധിയും കോണ്ഗ്രസും ശ്രമിക്കുന്നതെന്നും അദ്ദേഹം കൂട്ടിച്ചേര്ത്തു.
ബിഎസ്പിയില് നിന്നും പുറത്താക്കിയ എംപി ഡാനിഷ് അലി ഭാരത് ജോഡോ ന്യായ് യാത്ര വേദിയിലെത്തിയിരുന്നു. കേരളത്തില് നിന്നുള്പ്പെടെ രാജ്യത്തെ വിവിധ പാര്ട്ടികളില് നിന്നുള്ള നേതാക്കള് ഫ്ലാഗ് ഓഫ് ചടങ്ങില് പങ്കെടുത്തു.
പ്രതികരിക്കാൻ ഇവിടെ എഴുതുക