ന്യൂഡല്ഹി: രാജ്യത്തെ ഫാസ്റ്റാഗുകൾ സംബന്ധിച്ച് പുതിയ അറിയിപ്പുമായി നാഷണൽ ഹൈവേ അതോറിറ്റി. ജനുവരി 31നകം കെവൈസി പൂര്ണമല്ലെങ്കില് ഫാസ്ടാഗ് പ്രവര്ത്തനരഹിതമാകും. അല്ലെങ്കില് ഫാസ്ടാഗിനെ കരിമ്പട്ടികയില് പെടുത്തുമെന്ന് നാഷണല് ഹൈവേ അതോറിറ്റി ഓഫ് ഇന്ത്യ ഉത്തരവില് പറയുന്നു.
ഫാസ്ടാഗുമായി ബന്ധപ്പെട്ട ക്രമക്കേടുകള് പരിഹരിക്കുന്നതിന്റെ ഭാഗമായാണ് നടപടി. ഒരു ഫാസ്ടാഗ് ഒന്നിലധികം വാഹനങ്ങളിൽ ഉപയോഗിക്കുന്നതും ഒന്നിൽക്കൂടുതൽ ഫാസ്ടാഗുകൾ ഒരു വാഹനത്തിൽ ഉപയോഗിക്കുന്നതും അടക്കമുള്ള തട്ടിപ്പുകൾ തടയുന്നതിന്റെ ഭാഗമായാണ് സര്ക്കാര് ഉത്തരവ്.
സാധുവായ ബാലന്സ് ഉള്ളതും എന്നാല് അപൂര്ണ്ണമായ കെവൈസി ഉള്ളതുമായ ഫാസ്ടാഗുകള് 2024 ജനുവരി 31-ന് ശേഷം ബാങ്കുകള് നിര്ജ്ജീവമാക്കും അല്ലെങ്കില് കരിമ്പട്ടികയില് പെടുത്തും എന്നാണ് നാഷണല് ഹൈവേ അതോറിറ്റി ഓഫ് ഇന്ത്യ പുറത്തുവിട്ട ഉത്തരവിൽ പറയുന്നത്.
സംശയങ്ങള് ദൂരീകരിക്കാന് ഫാസ്ടാഗ് ഉപയോക്താക്കള്ക്ക് അടുത്തുള്ള ടോള് പ്ലാസകളിലോ ബന്ധപ്പെട്ട ബാങ്കുകളുടെ ടോള് ഫ്രീ കസ്റ്റമര് കെയര് നമ്പറിലോ ബന്ധപ്പെടാവുന്നതാണെന്നും നാഷണല് ഹൈവേ അതോറിറ്റി ഓഫ് ഇന്ത്യ വ്യക്തമാക്കി.
പ്രതികരിക്കാൻ ഇവിടെ എഴുതുക