തൃശ്ശൂര്: പ്രധാനമന്ത്രി നരേന്ദ്രമോദി ഗുരുവായൂര് ക്ഷേത്രത്തിലെത്തി. കിഴക്കേനടവഴി പ്രവേശിച്ച അദ്ദേഹം വിശേഷാല് പൂജകളില് പങ്കെടുക്കും. നടന് സുരേഷ് ഗോപിയുടെ മകളുടെ വിവാഹത്തില് പങ്കെടുക്കുന്ന അദ്ദേഹം തൃപ്രയാര് ക്ഷേത്രത്തിലും ദര്ശനം നടത്തും. ഇലക്ട്രിക് വാഹനത്തിലാണ് അദ്ദേഹം ക്ഷേത്രത്തിലേക്ക് എത്തിയത്.
എറണാകുളം ഗസ്റ്റ് ഹൗസില് നിന്ന് രാവിലെ 6.31-നാണ് അദ്ദേഹം യാത്രതിരിച്ചത്. രാവിലെ 10.10 ന് പ്രധാനമന്ത്രി തൃപ്രയാര് ക്ഷേത്രത്തിലെത്തും. പിന്നീട് 12 മണിയോടെ കൊച്ചിയില് തിരിച്ചെത്തി ഷിപ്പ്യാര്ഡിലെ പദ്ധതികളുടെ ഉദ്ഘാടനം നിര്വഹിക്കും. ഒന്നരയോടെ മറൈന് ഡ്രൈവില് ബിജെപിയുടെ പൊതുപരിപാടിയില് പങ്കെടുക്കും. വൈകിട്ട് ഡല്ഹിക്ക് തിരിക്കും.
പ്രതികരിക്കാൻ ഇവിടെ എഴുതുക