വാഷിങ്ടൺ: വരാനിരിക്കുന്ന അമേരിക്കന് പ്രസിഡന്റ് തിരഞ്ഞെടുപ്പില് റിപ്പബ്ലിക്കന് പാര്ട്ടിയുടെ സ്ഥാനാര്ത്ഥിത്വം ഉറപ്പിച്ച് ഡൊണള്ഡ് ട്രംപ്. ന്യൂഹാംഷെയര് പ്രൈമറി തിരഞ്ഞെടുപ്പില് മുന് പ്രസിഡന്റ് കൂടിയായ ഡൊണാള്ഡ് ട്രംപിന് വിജയം സ്വന്തമാക്കി. ഇതോടെ ഡൊണാള്ഡ് ട്രംപ് തന്നെ അമേരിക്കന് പ്രസിഡന്റ് സ്ഥാനാര്ത്ഥിയാകും. സ്ഥാനാര്ത്ഥിത്വ പ്രതീക്ഷകള് സജീവമായി നിലനിര്ത്തിയ നിക്കി ഹേലി 46 ശതമാനത്തിലധികം വോട്ടുകള് കരസ്ഥമാക്കി.
ഇയോവ കോക്കസില് കിട്ടിയ പകുതിയിലധികം വോട്ട് ശതമാനം ന്യൂഹാംഷെയര് പ്രൈമറിയിലും ആവര്ത്തിച്ചു. നിക്കി ഹേലിയുടെ സ്ഥാനാര്ത്ഥിത്വം കാര്യമാക്കുന്നില്ല എന്നും നിക്കി ഹേലിയ്ക്ക് ഇഷ്ടമുള്ളത് ചെയ്യുമെന്നും ആയിരുന്നു വോട്ടെടുപ്പിന് തൊട്ടുമുന്പ് ട്രംപ് പ്രതികരിച്ചത്. ഇന്ത്യന് വംശജന് വിവേക് രാമസ്വാമി, ഫ്ളോറിഡ ഗവര്ണര് റോണ് ഡി സാന്റിസ് എന്നിവര് പ്രസിഡന്റ് സ്ഥാനാര്ത്ഥി പോരാട്ടത്തില് നിന്ന് നേരത്തെ തന്നെ പിന്മാറിയിരുന്നു. ഇരുവരും ഡൊണള്ഡ് ട്രംപിന് പിന്തുണ പ്രഖ്യാപിച്ചിട്ടുണ്ട്.
പ്രതികരിക്കാൻ ഇവിടെ എഴുതുക