അന്തരിച്ച നടനും ഡിഎംഡികെ നേതാവുമായ വിജയകാന്തിന് പത്മഭൂഷൺ. കലാരംഗത്തെ മികച്ച സേവനത്തിനാണ് പത്മഭൂഷൺ നൽകി വിജയകാന്തിനെ ആദരിച്ചത്.
രണ്ട് തവണ തമിഴ്നാട് നിയമസഭാംഗമായിരുന്ന വിജയകാന്ത് വാർദ്ധക്യ സഹജമായ അസുഖങ്ങളെ തുടർന്ന് ചികിത്സയിലിരിക്കെ 2023 ഡിസംബർ 28-നാണ് അന്തരിച്ചത്. 2011 മുതൽ 2016 വരെ തമിഴ്നാട് നിയമസഭയിലെ പ്രതിപക്ഷ നേതാവായിരുന്നു അദ്ദേഹം.
സുപ്രീംകോടതിയിലെ ആദ്യ വനിതാ ജസ്റ്റിസ് ഫാത്തിമ ബീവി (മരണാനന്തരം), മുന് കേന്ദ്രമന്ത്രിയും ബിജെപിയുടെ മുതിര്ന്ന നേതാവുമായ ഒ രാജഗോപാല് എന്നിവര്ക്ക് പത്മഭൂഷണ് ലഭിച്ചു.
ജസ്റ്റിസ് ഫാത്തിമ ബീവി (പൊതുകാര്യം), ഹോര്മുസ്ജി എന്. കാമ, മിഥുന് ചക്രവര്ത്തി, സീതാറാം ജിന്ഡാല്, യങ് ലിയു, അശ്വിന് ബാലചന്ദ് മെഹ്ത, സത്യഭാരത മുഖര്ജി (മരണാനന്തരം), റാം നായിക്, തേജസ് മധുസൂദന് പട്ടേല്, ഒ രാജഗോപാല് (പൊതുകാര്യം), ദത്തത്രായ് അംബദാസ് മയലൂ ഏലിയാസ് രാജ്ദത്ത്, തോഗ്ദാന് റിന്പോച്ചെ (മരണാനന്തരം), പ്യാരിലാല് ശര്മ, ചന്ദ്രേശ്വര് പ്രസാദ് ഠാക്കൂര്, ഉഷ ഉതുപ്പ്, വിജയകാന്ത് (മരണാനന്തരം), കുന്ദന് വ്യാസ് എന്നിവരാണ് പത്മഭൂഷണ് ലഭിച്ചവര്.
പ്രതികരിക്കാൻ ഇവിടെ എഴുതുക