തിരുവനന്തപുരം: രണ്ടുവയസുകാരിയെ തട്ടിക്കൊണ്ടു പോയ സംഭവത്തില് ഫൊറന്സിക് പരിശോധന ഹ്യൂടങ്ങി. രണ്ടു വയസുകാരിയെ കണ്ടെത്തിയ സ്ഥലത്താണ് പരിശോധന നടത്തുന്നത്. കുട്ടിയുടെ ആരോഗ്യനില തൃപ്തികരമാണെന്ന് ആശുപത്രി അധികൃതര് വ്യക്തമാക്കിയതായി ബന്ധുക്കള് അറിയിച്ചു. കുട്ടി നിലവിൽ ആശുപത്രിയിലാണ്.
കുട്ടിക്ക് മാനസികാഘാതം ഉണ്ടായിട്ടുണ്ടോ എന്നതുള്പ്പടെ പരിശോധിക്കുന്നുണ്ട്. രാവിലെ ഉന്മേഷവതിയായിരുന്ന കുട്ടി മാതാപിതാക്കളോട് സംസാരിച്ചിരുന്നു. കുട്ടിക്ക് സൈക്കോളജിക്കല് കൗണ്സലിങ് നല്കുമെന്ന് പൊലീസ് വ്യക്തമാക്കി. കുട്ടിയുടെ സഹോദരങ്ങളെ സര്ക്കാര് സംരക്ഷണയിലേക്ക് മാറ്റിയിട്ടുണ്ട്.
കുട്ടിയെ കണ്ടെത്തിയ ഓടയ്ക്ക് സമീപമുള്ള കൂടുതല് സിസിടിവി ദൃശ്യങ്ങള് ഇന്ന് പൊലീസ് ശേഖരിക്കും. കുട്ടിയെ തട്ടിക്കൊണ്ടുപോയത് ആരാണ്? ഉപേക്ഷിച്ചു പോകാൻ കാരണമെന്ത്? എന്നീ ചോദ്യങ്ങളാണ് പൊലീസിന് മുന്നിലുള്ളത്. കുഞ്ഞ് തനിയെ നടന്നുപോകാന് സാധ്യതയില്ല എന്നാണ് ഇപ്പോഴുള്ള പ്രാഥമിക നിഗമനം. ഇന്ന് കുട്ടിയെ കോടതിയില് ഹാജരാക്കും. ശിശുക്ഷേമ സമിതിയുടെ നേതൃത്വത്തില് കുട്ടിയുടെ മൊഴി രേഖപ്പെടുത്തുകയും ചെയ്യും.
ഇന്നലെ പുലര്ച്ചെ കാണാതായ ഇതരസംസ്ഥാന തൊഴിലാളികളുടെ കുഞ്ഞിനെ 19 മണിക്കൂര് നീണ്ട തെരച്ചിലിനൊടുവിലാണ് . ആള് സെയിന്റ്സ് കോളേജിന് സമീപം കാണാതായ കുഞ്ഞിനെ 300 മീറ്റര് അകലെ റേറ്റില്വെ പാളത്തിനടുത്ത് ഒരു ഓടയില് നിന്ന് കണ്ടെത്തുകയായിരുന്നു.
പ്രതികരിക്കാൻ ഇവിടെ എഴുതുക