നാരുകൾ, വിറ്റാമിനുകൾ, ധാതുക്കൾ, ആന്റിഓക്സിഡന്റുകൾ എന്നിവയാൽ സമ്പന്നമായ ഒരു ധാന്യമാണ് ചോളം. കണ്ണിനും വയറിനും ഏറെ ഗുണം ചെയ്യുന്ന ഒന്നു കൂടിയാണിത്. സ്വാദിഷ്ടവും ഒപ്പം നിരവധി ഗുണങ്ങളും അടങ്ങിയിരിക്കുന്ന ചോളം കഴിച്ചാൽ പ്രയോജനം എന്താണെന്ന് നോക്കാം.
ചോളത്തിൽ ധാരാളം ഇരുമ്പ് അടങ്ങിയിട്ടുണ്ട്. ചോളത്തിൽ വിറ്റാമിൻ ബി 12, ഫോളിക് ആസിഡ്, ഇരുമ്പ് എന്നിവ അടങ്ങിയിട്ടുണ്ട്. ഇവ നമ്മുടെ ശരീരത്തിലെ ചുവന്ന രക്താണുക്കളുടെ ഉത്പാദനത്തിന് സഹായിക്കുന്നു.
ഭക്ഷണക്രമത്തിൽ ചോളം വേണ്ടത്ര അളവിൽ ചേർക്കുന്നതിലൂടെ വിളർച്ചയ്ക്ക് കാരണമാകുന്ന പ്രശ്നങ്ങൾ പരിഹരിക്കാനാകും, പ്രത്യേകിച്ച് സ്ത്രീകളിലും കുട്ടികളിലും. നിങ്ങളുടെ ശരീരത്തിൽ ആവശ്യമായ.അളവിൽ ഇരുമ്പ് അടങ്ങിയിരിക്കുന്നത് കണ്ണുകൾ, മുടി, ചർമ്മം എന്നിവയുടെ ആരോഗ്യത്തിന് അത്യന്താപേക്ഷിതമാണ്.
ധാരാളം നാരുകള് ഇതില് അടങ്ങിയിട്ടുണ്ട്. ഇതിലെ കോണ് സില്ക് ഇത്തരം ഗുണം നല്കുന്ന ഒന്നാണ്.
ചോളത്തിൽ നിന്നുള്ള കോണ് സില്ക്കില് കാൽസ്യം, പൊട്ടാസ്യം, മഗ്നീഷ്യം എന്നിവയ്ക്കൊപ്പം ധാരാളം അവശ്യ ഫ്ലേവനോയ്ഡുകൾ, ടാന്നിൻസ്, സാപ്പോണിനുകൾ എന്നിവയും അടങ്ങിയിട്ടുണ്ട്.
കൊഴുപ്പ് അടിഞ്ഞു കൂടൽ, കൊഴുപ്പ് കോശങ്ങളുടെ വ്യത്യാസം, ലിപ്പോളിസിസിന്റെ നിരക്ക്, ഫാറ്റി ആസിഡ് മെറ്റബോളിസം എന്നിവ നിയന്ത്രിക്കുന്ന ജീനുകളെ ഇത് നിയന്ത്രിക്കുന്നു. ഇത് ക്രമേണ ശരീരഭാരം കുറയ്ക്കാനും സഹായിക്കുന്നു.
പ്രമേഹ രോഗികള്ക്ക് കഴിയ്ക്കാവുന്ന ഒന്നാണിത്. ഇവര്ക്കുള്ള നല്ലൊരു സ്നാക്സായി പുഴുങ്ങിയ ചോളം കഴിയ്ക്കാം. ഇത് ഇൻസുലിൻ സ്രവവും സംവേദനക്ഷമതയും വർദ്ധിപ്പിക്കുകയും പ്രമേഹത്തെ നിയന്ത്രിക്കുകയും വൃക്കസംബന്ധമായ തകരാറുകൾ തടയുകയും ചെയ്യുന്നു.
രക്തത്തിലെ ഗ്ലൂക്കോസിന്റെ അളവ് കൂടുന്നത് രക്തത്തിലെ ഓക്സിജന്റെ അളവ് കുറയ്ക്കും. രക്തത്തിൽ ഫ്രീ റാഡിക്കലുകൾ ഉണ്ടാകുമ്പോൾ ഇത് വർദ്ധിക്കും. ഈ റാഡിക്കലുകൾ ടിഷ്യൂകളുടെ വീക്കം, കോശങ്ങളുടെ അഭികാമ്യമല്ലാത്ത വ്യാപനം എന്നിവയ്ക്ക് കാരണമാകുന്നു.
ചോളത്തിൽ അടങ്ങിയിട്ടുള്ള ആന്തോസയാനിനുകളും ഫ്ലേവനോയിഡുകളും ഇത്തരത്തിലുള്ള ഫ്രീ റാഡിക്കലുകൾ അകറ്റുകയും, അതിലൂടെ ശരീരത്തിന്റെ രക്തയോട്ടം മെച്ചപ്പെടുത്തുകയും ചെയ്യുന്നു.
ചോളത്തിൽ സങ്കീർണ്ണമായ കാർബോഹൈഡ്രേറ്റുകൾ അടങ്ങിയിട്ടുണ്ട്. അത് വേഗതയിൽ ദഹിക്കുന്നതാണ്. ഇത് കൂടുതൽ സമയത്തേക്ക് ശരീരത്തിന് ആവശ്യമായ ഊർജ്ജം നൽകുന്നു.
ഒരു കപ്പ് ചോളത്തിൽ ഏകദേശം 29 ഗ്രാം കാർബോഹൈഡ്രേറ്റ് അടങ്ങിയിട്ടുണ്ട്. അത് നമ്മുക്ക് ആവശ്യമായ ശാരീരിക ഊർജ്ജം നൽകുന്നു. കൂടാതെ, ചോളം നമ്മുടെ തലച്ചോറിനെയും നാഡീവ്യവസ്ഥയെയും ശരിയായി പ്രവർത്തിക്കാനും ഏറെ സഹായിക്കുന്നു.
ചോളത്തിൽ നല്ല അളവിൽ ല്യൂട്ടിൻ, സിയാക്സാന്തിൻ എന്നിവ അടങ്ങിയിട്ടുണ്ട്. ഈ രണ്ട് കരോട്ടിനോയിഡുകളും കണ്ണുകൾക്ക് വേണ്ടതാണ്. മാക്യുലർ ഡീജനറേഷനിൽ (എഎംഡി) നിന്ന് കരകയറാൻ ല്യൂട്ടിൻ, സിയാക്സാന്തിൻ എന്നിവ നിങ്ങളുടെ കണ്ണുകളെ സഹായിക്കും.
വൈറ്റമിൻ സിയുടെ നല്ല ഉറവിടമാണ് ചോളം. ഇത് നിങ്ങളുടെ രോഗപ്രതിരോധ സംവിധാനത്തിന് പ്രധാനപ്പെട്ടതാണ്. വിറ്റാമിൻ സി നിങ്ങളുടെ ശരീരത്തെിലെ അണുബാധയെ ചെറുക്കാനും ശ്വാസകോശത്തെ സുഖപ്പെടുത്താനും സഹായിക്കും.
ചോളം രക്തപ്രവാഹത്തിലെ ഗ്ലൂക്കോസിന്റെ ആഗിരണം കുറയ്ക്കും. ഇക്കാരണത്താൽ, പ്രമേഹം അല്ലെങ്കിൽ പ്രീ ഡയബറ്റിക്സ് ഉള്ളവരിൽ രക്തത്തിലെ പഞ്ചസാരയുടെ അളവ് നിയന്ത്രിക്കാൻ ഇത് സഹായിക്കുന്നു.
പ്രതികരിക്കാൻ ഇവിടെ എഴുതുക