തൃണമൂൽ കോൺഗ്രസ് നേതാവ് ഷെയ്ഖ് ഷാജഹാനെ അറസ്റ്റ് ചെയ്തു. 55 ദിവസം ഒളിവിൽ കഴിഞ്ഞ ശേഷമാണ് ഷെയ്ഖ് ഷാജഹാനെ പോലീസ് അറസ്റ്റ് ചെയ്തത്. റേഷൻ അഴിമതി കേസിൽ ഷാജഹാന്റെ വസതിയിൽ പരിശോധനയ്ക്ക് എത്തിയ എൻഫോഴ്സ്മെന്റ് സംഘത്തെ നാട്ടുകാർ ആക്രമിച്ചതിന് പിന്നാലെയാണ് ഇദ്ദേഹം ഒളിവിൽ പോകുന്നത്. നോര്ത്ത് 24 പര്ഗാനാസിലെ മിനാഖാനില് നിന്നാണ് ബംഗാള് പൊലീസ് ഷാജഹാന് ഷെയ്ഖിനെ അറസ്റ്റു ചെയ്തത്. ഇയാളെ ഇന്ന് ഉച്ചയ്ക്ക് ബാസിര്ഘട്ട് കോടതിയില് ഹാജരാക്കുമെന്ന് പൊലീസ് വ്യക്തമാക്കി.
ഷാജഹാനും അനുയായികളും തങ്ങളുടെ ഭൂമി തട്ടിയെടുക്കുന്നുവെന്നും സ്ത്രീകളെ ലൈംഗികമായി ഉപദ്രവിക്കുന്നു എന്നുമാരോപിച്ച് സന്ദേശ് ഖലിയില് ഗ്രാമീണര് ഏതാനും ദിവസങ്ങളായി കടുത്ത പ്രതിഷേധത്തിലാണ്. ജോലി ചെയ്യിച്ച ശേഷം കൂലി നല്കാതെ ഉപദ്രവിക്കുന്നു, ലൈംഗികമായി പീഡിപ്പിക്കുന്നു തുടങ്ങിയ ആരോപണങ്ങളും സ്ത്രീകള് ഉന്നയിക്കുന്നു
ഇഡി ഉദ്യോഗസ്ഥരെ ആക്രമിച്ച കേസിലും ഷെയ്ഖ് ഷാജഹാൻ പ്രതിയാണ്. കഴിഞ്ഞ ഒരുമാസത്തോളമായി ബംഗാള് പൊലീസിന്റെയും കേന്ദ്ര ഏജന്സികളുടേയും കബളിപ്പിച്ച് ഷാജഹാന് ഷെയ്ഖ് ഒളിവിലായിരുന്നു. മമത ബാനര്ജി സര്ക്കാര് തൃണമൂല് കോണ്ഗ്രസ് നേതാവായ ഷാജഹാനെ സംരക്ഷിക്കുകയാണെന്നാണ് ബിജെപി അടക്കമുള്ള പ്രതിപക്ഷ പാര്ട്ടികല് ഉന്നയിക്കുന്ന ആരോപണം.
പ്രതികരിക്കാൻ ഇവിടെ എഴുതുക