കോഴിക്കോട്: നൊച്ചാട് അനു കൊല്ലപ്പെട്ട കേസിലെ നിര്ണായക തെളിവുകൾ തേടി പ്രതി മുജീബിന്റെ വീട്ടിൽ പൊലീസെത്തുന്നതിന് മുൻപ് തെളിവ് നശിപ്പിക്കാൻ ഭാര്യയുടെ ശ്രമം. കൊല നടത്തിയ സമയത്ത് പ്രതി ധരിച്ച വസ്ത്രങ്ങൾ അന്വേഷിച്ചാണ് മുജീബ് റഹ്മാന്റെ വീട്ടിൽ പൊലീസെത്തിയത്. ഈ വസ്ത്രങ്ങൾ പ്രതിയുടെ വീട്ടിൽ നിന്ന് കണ്ടെടുത്തെന്ന് പൊലീസ് വ്യക്തമാക്കി.
എന്നാൽ പോലീസ് എത്തിയ വിവരമറിഞ്ഞ് പ്രതിയുടെ ഭാര്യ ചില സാധനങ്ങൾ തീ കത്തിക്കാൻ ശ്രമിച്ചു. ഇത് തടഞ്ഞു പരിശോധിച്ചപ്പോഴാണ് കൊല നടത്തിയ സമയത്ത് ധരിച്ച വസ്ത്രങ്ങൾ പൊലീസിന് കിട്ടുന്നത്. സിസിടിവി ദൃശ്യങ്ങളിൽ ഇയാൾ ധരിച്ച പാന്റ് നനഞ്ഞതായി കണ്ടതാണ് കേസന്വേഷണത്തിൽ വഴിത്തിരിവായത്. ഈ വസ്ത്രങ്ങൾ ശാസ്ത്രീയ പരിശോധനയ്ക്ക് അയക്കും.
മുജീബ് റഹ്മാന് വര്ഷങ്ങള്ക്കുമുമ്പേ കൊലപാതകക്കേസിലും പ്രതി. 20 വയസുള്ളപ്പോള് മലപ്പുറം തിരൂരിലെ സ്വര്ണക്കടക്കാരനായ ഗണപതിയെ കൊലപ്പെടുത്തിയ കേസില് ഇയാൾ കൂട്ടു പ്രതിയാണ്. ഈ കേസ് പരപ്പനങ്ങാടി സ്റ്റേഷനില് രജിസ്റ്റര് ചെയ്തതാണ്. പിന്നീടിങ്ങോട്ട് മോഷണം നടത്തിയാണ് ഇയാൾ ജീവിക്കുന്നത്തം. പണംതീര്ന്നാല് മോഷണത്തിനായി പോകും. അനുവിന്റെ കൊലപാതകം നടന്ന സമയത്തും പണത്തിന് അത്യാവശ്യമുണ്ടായിരുന്നുവെന്നാണ് ഇയാള് പോലീസിനോട് വ്യക്തമാക്കിയത്.
മോഷ്ടിച്ച വാഹനങ്ങളില് കറങ്ങിനടന്ന് കവര്ച്ച പതിവാക്കിയ വ്യക്തിയാണ് മുജീബ് റഹ്മാന്. ഒറ്റപ്പെട്ട സ്ഥലങ്ങളില്നിന്ന് സ്ത്രീകളെ ഓട്ടോയില് കയറ്റി യാത്രാമധ്യേ ആക്രമിച്ച് അവശരാക്കി ക്രൂരമായ പീഡനത്തിന് ഇരയാക്കുകയും ആഭരണങ്ങള് കവര്ന്ന് വിജനമായ സ്ഥലത്ത് ഉപേക്ഷിച്ച് കടന്നുകളയുന്നതുമൊക്കെയാണ് പ്രതിയുടെ സ്ഥിരംരീതികള്.
പ്രതികരിക്കാൻ ഇവിടെ എഴുതുക