ന്യൂഡല്ഹി: ലോക്സഭ തിരഞ്ഞെടുപ്പിനുള്ള അഞ്ചാം ഘട്ട സ്ഥാനാർഥി പട്ടിക പ്രഖ്യാപിച്ച് ബിജെപി. നടി കങ്കണാ റണാവത്ത് ഹിമാചൽ പ്രദേശിൽ നിന്ന് സ്ഥാനാർത്ഥിയാകും. ഹിമാചലിലെ മാണ്ഡിയിൽ നിന്നാണ് കങ്കണ മത്സരിക്കുക. ബിജെപി യോഗത്തിലാണ് തീരുമാനം.
”എന്റെ പ്രിയപ്പെട്ട ഭാരതത്തിന്റെയും ഭാരതീയ ജനതയുടെ സ്വന്തം പാർട്ടിയായ ഭാരതീയ ജനതാ പാർട്ടിക്ക് (ബിജെപി) എന്നും എന്റെ പിന്തുണയുണ്ട്. ബിജെപിയുടെ ദേശീയ നേതൃത്വം ഇന്ന് എന്നെ എന്റെ ജന്മസ്ഥലമായ ഹിമാചൽ പ്രദേശിലെ മാണ്ഡിയിൽ (മണ്ഡലം) ലോക്സഭാ സ്ഥാനാർത്ഥിയായി പ്രഖ്യാപിച്ചിരിക്കുന്നു. ലോക്സഭാ തിരഞ്ഞെടുപ്പിൽ മത്സരിക്കണമെന്നാണ് നേതൃത്വത്തിന്റെ തീരുമാനം. പാർട്ടിയിൽ ഔദ്യോഗികമായി ചേരുന്നതിൽ എനിക്ക് അഭിമാനവും സന്തോഷവുമുണ്ട്. യോഗ്യയും വിശ്വസ്തയുമായ പൊതുപ്രവർത്തകയാകാൻ കഴിയുമെന്ന് കരുതുന്നു”, കങ്കണ എക്സിൽ കുറിച്ചു.
കേരളത്തിലെ നാല് മണ്ഡലങ്ങളിലെ സ്ഥാനാർത്ഥികളെയും പ്രഖ്യാപിച്ചു.വയനാട്ടില് കെ സുരേന്ദ്രന്, എറണാകുളത്ത് കെഎസ് രാധാകൃഷ്ണന്, ആലത്തൂരില് ടിഎന് സരസു, കൊല്ലത്ത് ജി കൃഷ്ണ കുമാര് എന്നിവരാണ് ബിജെപി സ്ഥാനാര്ഥികള്.
വയനാട്ടില് രാഹുല് ഗാന്ധിയാണ് യുഡിഎഫ് സ്ഥാനാര്ഥി. ആനി രാജയാണ് എല്ഡിഎഫിനായി മത്സരിക്കുന്നത്. സുരേന്ദ്രന്റെ വരവോടെ മണ്ഡലത്തില് ശക്തമായ ത്രികോണ മത്സരത്തിനും കളമൊരുങ്ങി.
അഞ്ചാം ഘട്ട പട്ടികയില് മേനക ഗാന്ധിക്ക് സീറ്റ് നല്കിയപ്പോള് പിലിഭിത്ത് സിറ്റിങ് എംപി വരുണ് ഗാന്ധി സ്ഥാനാര്ഥി പട്ടികയില് ഇടംപിടിച്ചില്ല. വരുണിന്റെ മണ്ഡലത്തില് ജിതിന് പ്രസാദയാണ് സ്ഥാനാര്ഥി. മേനക ഗാന്ധി സുല്ത്താന്പുരില് നിന്നു ജനവിധി തേടും. പിലിഭത്തില് നിന്നും മുന് കോണ്ഗ്രസ് നേതാവ് ജിതിന് പ്രസാദ പട്ടികയില് ഇടംനേടി.നവീന് ജിന്ഡാല് ഹരിയാനയിലെ കുരുക്ഷേത്രയിൽ മത്സരിക്കും. അ
കല്ക്കത്ത ഹൈക്കോടതി ജഡ്ജി സ്ഥാനം രാജിവെച്ച് ബിജെപിയില് ചേര്ന്ന അഭിജീത്ത് ഗംഗോപാധ്യായ് താംലുക്കില് നിന്നും മത്സരിക്കും. ടിഎംസിയില് നിന്നും അടുത്തിടെ ബിജെപിയില് ചേര്ന്ന അര്ജ്ജുന് സിങ്ങ് ബരക്പൂരില് നിന്നും തപസ് റോയി കൊല്ക്കത്ത നോര്ത്തില് നിന്നും മത്സരിക്കും.
കഴിഞ്ഞ നിയമസഭാ തിരഞ്ഞെടുപ്പില് ബിജെപി വിട്ട് കോണ്ഗ്രസില് ചേരുകയും പിന്നീട് മടങ്ങിയെത്തുകയും ചെയ്ത മുന് മുഖ്യമന്ത്രി ജഗദീഷ് ഷെട്ടാര് കര്ണാടകയിലെ ബെല്ഗാമില് നിന്നും മത്സരിക്കും.
പ്രതികരിക്കാൻ ഇവിടെ എഴുതുക