തിരുവനന്തപുരം: സംസ്ഥാനത്ത് വ്യാപകമായി കടൽക്ഷോഭം റിപ്പോർട്ട് ചെയ്ത സാഹചര്യത്തിൽ അടിയന്തിര സാഹചര്യങ്ങളിൽ കൺട്രോൾ റൂം നമ്പറുകളിൽ ബന്ധപ്പെടാമെന്ന് ഫിഷറീസ് മന്ത്രി സജി ചെറിയാൻ. വേലിയേറ്റത്തെ തുടർന്ന് തെക്കൻ കേരളത്തിലെ ചില പ്രദേശങ്ങളിലുണ്ടായ കടൽക്ഷോഭം നിലവിൽ കുറഞ്ഞു വരികയാണ്. സ്ഥിതിഗതികൾ നിരീക്ഷിച്ചു വരികയാണ്. മത്സ്യത്തൊഴിലാളികളുടെ സുരക്ഷ ഉറപ്പുവരുത്താനുള്ള നടപടികൾ സ്വീകരിച്ചിട്ടുണ്ടെന്നും മന്ത്രി അറിയിച്ചു.
അതേസമയം, അടുത്ത നാല് ദിവസത്തേക്കുള്ള മഴ മുന്നറിയിപ്പ് പുറത്തിറക്കി കാലാവസ്ഥാ വകുപ്പ്. നാളെ നാല് ജില്ലകളിലാണ് വേനല് മഴ പ്രവചനം. ഏപ്രില് രണ്ടിനു ഏഴ് ജില്ലകളിലും മൂന്നിനു ഒന്പത് ജില്ലകളിലും നാലാം തീയതി നാല് ജില്ലകളിലുമാണ് മുന്നറിയിപ്പ്.
നാളെ തിരുവനന്തപുരം, പത്തനംതിട്ട, എറണാകുളം, ഇടുക്കി ജില്ലകളിലാണ് നേരിയ മഴ പ്രവചിക്കുന്നത്. രണ്ടാം തീയതി തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലാണ് മഴ സാധ്യത.
മേഖല കൺട്രോൾ റൂമുകൾ
വിഴിഞ്ഞം – 0471 2480335, 9447141189
വൈപ്പിൻ – 04842502768, 9496007048
ബേപ്പൂർ – 04952414074, ൯൪൯൬൦൦൭൦൩൮
ഫിഷറീസ് സ്റ്റേഷൻ
നീണ്ടകര – 04762680036
തോട്ടപ്പള്ളി – 04772297707
അഴീക്കോട് – 04802996090
പൊന്നാനി – 04942667428
കണ്ണൂർ – 04972732487
കാസർകോട് – 9747558835
പ്രതികരിക്കാൻ ഇവിടെ എഴുതുക