ഹീമോഗ്ലോബിന്റെ അളവ് കൂട്ടാനായി ഡയറ്റില് ഉള്പ്പെടുത്തേണ്ട ചില ഭക്ഷണങ്ങൾ പരിചയപ്പെടാം…
ഒന്ന്…
ആദ്യമായി ഈ പട്ടികയില് ഉള്പ്പെടുന്നത് ബീറ്റ്റൂട്ട് ആണ്. ബീറ്റ്റൂട്ട് വളരെ പോഷകഗുണമുള്ളതും അവശ്യ വിറ്റാമിനുകൾ, ധാതുക്കൾ, സസ്യ സംയുക്തങ്ങൾ എന്നിവയാൽ സമ്പുഷ്ടവുമാണ്. ആന്റിഓക്സിഡന്റുകളാൽ സമ്പന്നമാണ് ബീറ്റ്റൂട്ട്. ഇരുമ്പ്, ഫോളിക്ക് ആസിഡ്, പൊട്ടാസ്യം, നാരുകള് തുടങ്ങിയവയും ബീറ്റ്റൂട്ടില് ധാരാളം അടങ്ങിയിരിക്കുന്നു. അതിനാല് ഇവ പതിവായി കഴിക്കുന്നത് രക്തത്തിലെ ഹീമോഗ്ലോബിന്റെ അളവ് വർധിപ്പിക്കാൻ നല്ലതാണ്.
രണ്ട്…
മാതളം ആണ് രണ്ടാമതായി ഈ പട്ടികയില് ഉള്പ്പെടുന്നത്. ഹീമോഗ്ലോബിന്റെ കുറവ് പരിഹരിക്കാൻ ഏറ്റവും നല്ല മാർഗങ്ങളിൽ ഒന്നാണ് മാതളം. കാത്സ്യം, ഇരുമ്പ്, അന്നജം, നാരുകള് എന്നിവ ഇതില് ധാരാളമായി അടങ്ങിയിട്ടുണ്ട്. മാതളത്തില് അടങ്ങിയിരിക്കുന്ന വിറ്റാമിൻ സി ശരീരത്തിലെ ഇരുമ്പിന്റെ ആഗിരണം വർധിപ്പിച്ച് വിളർച്ചയെ ഇല്ലാതാക്കുന്നു.
മൂന്ന്…
മൂന്നാമതായി ഈ പട്ടികയില് ഉള്പ്പെടുന്നത് ഇലക്കറികളാണ്. അയണും ബി കോബ്ലക്സും മറ്റും അടങ്ങിയ ചീര പോലെയുള്ള ഇലക്കറികള് കഴിക്കുന്നത് ഹീമോഗ്ലോബിന്റെ അളവ് വർധിപ്പിക്കാൻ സഹായിക്കും.
നാല്…
അടുത്തതായി ഈ പട്ടികയില് ഉള്പ്പെടുന്നത് ഈന്തപ്പഴം ആണ്. പോഷകങ്ങളുടെ കലവറയാണ് ഈന്തപ്പഴം. ഇരുമ്പിന്റെ അംശം ധാരാളം അടങ്ങിയതിനാല് ഇവ വിളർച്ചയെ തടയാന് നല്ലതാണ്.
അഞ്ച്…
ഡ്രൈ ഫ്രൂട്ട്സ് ആണ് അവസാനമായി ഈ പട്ടികയില് ഉള്പ്പെടുന്നത്. ആന്റി ഓക്സിഡന്റുകളുടെ കലവറയാണ് ഡ്രൈ ഫ്രുഇറ്സ്. ഫൈബറും വിറ്റാമിനുകളും അയേണും മറ്റും അടങ്ങിയ ഇവ കഴിക്കുന്നത് ഹീമോഗ്ലോബിന്റെ അളവ് കൂട്ടാന് സഹായിക്കും.
പ്രതികരിക്കാൻ ഇവിടെ എഴുതുക