ലോക്സഭാ തിരഞ്ഞെടുപ്പിനോടനുബന്ധിച്ച് സംസ്ഥാനത്ത് മദ്യ വില്പന ശാലകൾ അടച്ചിടാൻ തീരുമാനം. കേരളത്തിൽ വെള്ളിയാഴ്ച ലോക്സഭാ തിരഞ്ഞെടുപ്പ് നടക്കുന്ന പശ്ചാത്തലത്തിൽ ബുധനാഴ്ച വൈകുന്നേരം 6 മണി മുതൽ സംസ്ഥാനത്തെ മദ്യശാലകൾ അടച്ചിടാനാണ് തീരുമാനിച്ചിരിക്കുന്നത്.
ബുധനാഴ്ച വൈകുന്നേരം 6 മണി മുതൽ വോട്ടെടുപ്പ് ദിവസമായ വെള്ളിയാഴ്ച വൈകിട്ട് ആറുമണിവരെ മദ്യശാലകൾ അടച്ചിടാനാണ് തീരുമാനിച്ചിരിക്കുന്നത്. മദ്യ വില്പനശാലകൾ റീ പോളിംഗ് നടക്കുന്ന സ്ഥലങ്ങളിലും അടച്ചിടാനാണ് തീരുമാനിച്ചിട്ടുള്ളത്. ജൂൺ നാലിന് വോട്ടെണ്ണൽ ദിനമായതിനാൽ അന്നേ ദിവസവും മദ്യ വില്പനശാലകൾക്ക് അവധി പ്രഖ്യാപിച്ചിട്ടുണ്ട്.
ഏപ്രിൽ 26നാണ് കേരളത്തിൽ തെരഞ്ഞെടുപ്പ് നടക്കുന്നത്. ആകെ 7 ഘട്ടങ്ങളായി നടക്കുന്ന തെരഞ്ഞെടുപ്പിൽ രണ്ടാംഘട്ടത്തിലാണ് കേരളം അടക്കമുള്ള സംസ്ഥാനങ്ങളിൽ തെരഞ്ഞെടുപ്പ് നടക്കുക. ഏപ്രിൽ 19ന് രാജ്യത്ത് ലോക്സഭാ തെരഞ്ഞെടുപ്പിന്റെ ആദ്യഘട്ടം ആരംഭിച്ചിരുന്നു.
ലോക്സഭാ തെരഞ്ഞെടുപ്പിന്റെ ഭാഗമായുള്ള പരസ്യപ്രചാരണം നാളെ ആണ് അവസാനിക്കുക. ഓരോ സ്ഥാനാർത്ഥികളും നേതാക്കളും വോട്ടുറപ്പിക്കുന്നതിന്റെ അവസാനഘട്ട തന്ത്രങ്ങളുമായി ഓട്ടത്തിലാണ്. ഒന്നര മാസത്തിലേറെ നീണ്ട പ്രചാരണത്തിനാണ് നാളെ പരിസമാപ്തിയാവുക. വോട്ട് അഭ്യർത്ഥനയുമായി വിവിധ മുന്നണികളുടെ കേന്ദ്ര സംസ്ഥാന നേതാക്കളടക്കം പ്രചാരണ രംഗത്തുണ്ട്
പ്രതികരിക്കാൻ ഇവിടെ എഴുതുക