വേനല്കാലത്തെ പ്രധാനിയാണ് തണ്ണിമത്തന്. എന്നാൽ തണ്ണിമത്തന്റെ കുരു നമ്മൾ എല്ലാവരും കളയാറാണല്ലോ പതിവ്. തണ്ണിമത്തൻ കുരു പോഷകഗുണങ്ങൾ കൊണ്ട് നിറഞ്ഞതാണ്. സിങ്ക്, മഗ്നീഷ്യം, പൊട്ടാസ്യം തുടങ്ങിയ മൈക്രോന്യൂട്രിയന്റുകള് കൊണ്ട് സമ്പന്നമാണ് തണ്ണിമത്തന്റെ കുരു. അതുകൊണ്ട് തന്നെ രോഗപ്രതിരോധ ശേഷി കൂട്ടുന്നതിനും രക്തത്തിലെ പഞ്ചസാരയുടെ അളവു നിയന്ത്രക്കാനും ഇവയ്ക്ക് സാധിക്കും.
ഉയര്ന്ന രക്തസമ്മര്ദ്ദത്തെ നിയന്ത്രിക്കാനും ഹൃദയാരോഗ്യം സംരംക്ഷിക്കാനും പൊട്ടാസ്യം, മഗ്നീഷ്യം തുടങ്ങിയവ സഹായിക്കും. ധാരാളം ഫൈബര് അടങ്ങിയ തണ്ണിമത്തന് കുരു ദഹനവും സുഗമമാക്കുന്നു. എല്ലുകളുടെ ആരോഗ്യത്തിനും ഡയറ്റില് തണ്ണിമത്തന് കുരു ഉള്പ്പെടുത്തുന്നത് ഗുണം ചെയ്യും. മഗ്നീഷ്യം, പൊട്ടാസ്യം എന്നിവ അടങ്ങിയിരിക്കുന്നതിനാല് ഇവ ഓസ്റ്റിയോപൊറോസിസ് സാധ്യത കുറയ്ക്കാനും ഉപകരിക്കും.
വിറ്റാമിന് എ, സി എന്നിവ അടങ്ങിയിട്ടുള്ളതിനാൽ ചര്മത്തിന്റെയും തലമുടിയുടെയും ആരോഗ്യം മെച്ചപ്പെടുത്താനും തണ്ണിമത്തന് കുരു ബെസ്റ്റാണ്. ആരോഗ്യകരമായ ഫാറ്റി ആസിഡുകളും തണ്ണിമത്തന് കുരുവില് അടങ്ങിയിട്ടുണ്ട്. ശരീരത്തിന് ഊര്ജം പ്രദാനം ചെയ്യാനും ഇത് ഗുണം ചെയ്യും.
ഫോളിക് ആസിഡ്, വിറ്റാമിൻ ബി 9 എന്നീ പേരുകളിലും അറിയപ്പെടുന്ന ഫോളേറ്റ് തലച്ചോറിന്റെ പ്രവർത്തനത്തിന് പ്രധാനമാണ്. ഫോളേറ്റിന്റെ കുറവ് പ്രസവ സമയത്ത് കുഞ്ഞിന്റെ ജനന വൈകല്യങ്ങൾക്ക് കാരണമാകും എന്നതിനാൽ സാധാരണക്കാരേക്കാൾ കൂടുതൽ ഗർഭിണികൾക്ക് ഇത് ആവശ്യമാണ്.
മോണോസാച്ചുറേറ്റഡ്, പോളിഅൺസാച്ചുറേറ്റഡ് ഫാറ്റി ആസിഡുകളുടെ ഏറ്റവും നല്ല ഉറവിടമാണ് തണ്ണിമത്തൻ കുരുക്കൾ. ഈ കൊഴുപ്പുകൾ പക്ഷാഘാതം, ഹൃദയാഘാതം എന്നിവ കുറയ്ക്കുന്നതിനും എൽഡിഎൽ കൊളസ്ട്രോളിന്റെ അളവ് കുറയ്ക്കുന്നതിനും സഹായിക്കുന്നു.
തണ്ണിമത്തന്റെ കുരു വറുത്ത് കഴിക്കുന്നതാണ് ഉത്തമം. ആവശ്യാനുസരണം കുറച്ച് ഉപ്പ് വിതറി തണ്ണിമത്തൻ കുരു നല്ലതുപൊല വറുത്ത് സ്നാക് ആയി കഴിക്കാം.തണ്ണിമത്തൻ കുരു ഉണക്കി പൊടിച്ചത് ഫ്രൂട്ട് സാലഡ്, സാലഡ്, വിവിധ സൂപ്പുകൾ എന്നിവയ്ക്കൊപ്പം കഴിക്കാവുന്നതാണ്.
പ്രതികരിക്കാൻ ഇവിടെ എഴുതുക