നിരവധി സേവനങ്ങള് നിലവില് ഗൂഗിളിന്റെതായി ഉണ്ട്.പലപ്പോഴായി പുതിയ ഉല്പന്നങ്ങള് അവതരിപ്പിച്ചിട്ടുണ്ടെങ്കിലും അവയില് പലതും കാര്യമായ നേട്ടമുണ്ടാക്കാതെ അടച്ചു പൂട്ടുകയായിരുന്നു. ഈ കൂട്ടത്തിലേക്കാണ് ഗൂഗിള് പോഡ്കാസ്റ്റിന്റെ പേരും ചേര്ക്കപ്പെടുന്നത്. പോഡ്കാസ്റ്റ് ആപ്പില് ജൂണ് 23 മുതൽ സേവനം ലഭിക്കില്ല എന്നാണ് റിപ്പോര്ട്ടുകള് പറയുന്നത്.
പോഡ്കാസ്റ്റ് സേവനം നിര്ത്തലാക്കുകയാണെന്ന് കഴിഞ്ഞ വര്ഷം ഗൂഗിള് പങ്കുവെച്ച ബ്ലോഗില് അറിയിച്ചിരുന്നു.ഗൂഗിള് പോഡ്കാസ്റ്റിലെ സബ്സ്ക്രിപ്ഷനുകള് യൂട്യൂബ് മ്യൂസിക്കിലേക്ക് മൈഗ്രേറ്റ് ചെയ്യാനുള്ള സൗകര്യവും ഇതിന് മുന്നോടിയായി ഉപഭോക്താക്കള്ക്ക് ഒരുക്കിയിട്ടുണ്ട്. ഒപിഎംഎല് ഫയലായി പോഡ്കാസ്റ്റ് സബ്സ്ക്രിപ്ഷന് ലിസ്റ്റ് ഡൗണ്ലോഡ് ചെയ്യാനും ഇഷ്ടമുള്ള പോഡ്കാസ്റ്റ് ആപ്പിലേക്ക് എക്സ്പോര്ട്ട് ചെയ്യാനുമാകും എന്ന പ്രത്യേകതയുമുണ്ട് ഇതിനുണ്ട്.മൈഗ്രേഷന് ടൂള് ലഭ്യമാകുന്നത്ജൂലൈ 29 വരെയാണ്.
നിലവില് ഗൂഗിള് പോഡ്കാസ്റ്റില് നിന്ന് യൂട്യൂബ് മ്യൂസിക്കിലേക്ക് മാറേണ്ടത് എങ്ങനെയാണെന്ന്അറിഞ്ഞിരിക്കാം.ഗൂഗിള് പോഡ്കാസ്റ്റ് ആപ്പ് ഇതിനായി തുറക്കുക.തുടര്ന്ന് സ്ക്രീനില് മുകളില് കാണുന്ന എക്സ്പോര്ട്ട് സബ്സ്ക്രിപ്ഷന്സ് ബട്ടന് ടാപ്പ് ചെയ്യുക. തുടര്ന്ന് എക്സ്പോര്ട്ട് ടു യൂട്യൂബ് മ്യൂസിക് സെക്ഷന് കീഴില്, എക്സ്പോര്ട്ട് ബട്ടണ് ടാപ്പ് ചെയ്യണം. അപ്പോള് യൂട്യൂബ് മ്യൂസിക് ഓപ്പണാകും.തുടര്ന്ന് സബ്സ്ക്രിപ്ഷന് ട്രാന്സ്ഫര് ചെയ്യാന് തയ്യാറാണോ എന്ന് ചോദ്യംകാണാം.തുടര്ന്ന് ട്രാന്സ്ഫര് ക്ലിക്ക് ചെയ്ത ശേഷം കണ്ടിന്യൂ ബട്ടണ് ടാപ്പ് ചെയ്യാവുന്നതാണ്.
പ്രതികരിക്കാൻ ഇവിടെ എഴുതുക