മുരിങ്ങയ്ക്കയും മുരിങ്ങയിലയും നിരവധി ആരോഗ്യ ഗുണങ്ങള് അടങ്ങിയ ഒന്നാണ്.ആന്റി ഓക്സിഡന്റുകളുടെ ഉറവയാണ് ഇവ.വിറ്റാമിൻ ബി6, വിറ്റാമിൻ സി, വിറ്റാമിൻ എ, പ്രോട്ടീൻ, കാത്സ്യം, അയേണ്, ഇരുമ്പ്, അമിനോ അസിഡുകള് തുടങ്ങിയ അവശ്യ പോഷകങ്ങളും ഇവയില് അടങ്ങിയിരിക്കുന്നു.
സന്ധിവാതത്തെ തടയാന് ആന്റി ഇന്ഫ്ലമേറ്ററി ഗുണങ്ങള് അടങ്ങിയ മുരിങ്ങയില പതിവായി കഴിക്കുന്നത് സഹായിക്കും.കൂടാതെ എല്ലുകളുടെ ആരോഗ്യത്തിന് ആവശ്യമായ കാത്സ്യം, ഫോസ്ഫറസ് എന്നിവയും മുരിങ്ങയിലയില് ധാരാളമായി അടങ്ങിയിട്ടുണ്ട്. നാരുകളും അമിനോ ആസിഡുകളും അടങ്ങിയിരിക്കുന്നതിനാൽ രക്തത്തിലെ പഞ്ചസാരയുടെ അളവ് കുറയ്ക്കാനും മുരിങ്ങയില സഹായിക്കും. അതുപോലെ തന്നെ ചീത്ത കൊളസ്ട്രോളിനെ കുറയ്ക്കാനും, രക്തസമ്മര്ദ്ദത്തെ നിയന്ത്രിക്കാനും ഇവഅത്യുത്തമമാണ്. ഇവയിലെ ഓലിക് ആസിഡ്, ആരോഗ്യകരമായ കൊഴുപ്പ് തുടങ്ങിയവ ഹൃദയാരോഗ്യം സംരക്ഷിക്കാനും സഹായിക്കും.
വിറ്റാമിന് സി ധാരാളമായി അടങ്ങിയിരിക്കുന്നതിനാൽ രോഗ പ്രതിരോധശേഷി ഉയർത്താനും മുരിങ്ങയില കഴിക്കാം.അയേണ് ധാരാളം ഉള്ള മുരിങ്ങയില പതിവായി കഴിക്കുന്നത് വിളര്ച്ചയെ തടയാന് സഹായിക്കും. ഫൈബര് ധാരാളം അടങ്ങിയിരിക്കുന്നതിനാല് ദഹനസംബന്ധമായ പ്രശ്നങ്ങള് പരിഹരിക്കാനും മുരിങ്ങയില നല്ലതാണ്.ആന്റി ഓക്സിഡന്റുകളുടെ കലവറയാണ് മുരിങ്ങയില. ഒപ്പം ആന്റി- ഇൻഫ്ലമേറ്ററി സ്വഭാവമുള്ളതിനാലും ചര്മ്മത്തിന്റെ ആരോഗ്യത്തിനും മുരിങ്ങയില ഡയറ്റില് ഉള്പ്പെടുത്തുന്നത് നല്ലതാണ്.മുരിങ്ങയില കഴിക്കുന്നത് തലമുടി വളരാനും നല്ലതാണ്.
പ്രതികരിക്കാൻ ഇവിടെ എഴുതുക