തിരുവനന്തപുരം: കെഎസ്ആർടിസി ബസ് ഡ്രൈവറുമായി തർക്കത്തിൽ ഏർപ്പെട്ട മേയർ ആര്യ രാജേന്ദ്രനും എംഎൽഎ സച്ചിൻ ദേവിനുമെതിരെ എടുത്ത പരാതിയിൽ മൊഴിയെടുപ്പ് ഇന്ന് മുതൽ തുടങ്ങും. പരാതിക്കാരായ രണ്ടു പേരുടെ മൊഴിയാണ് പോലിസ് രേഖപ്പെടുത്തുക. കെഎസ്ആര്ടിസി ഡ്രൈവര് യദു, മേയർക്കെതിരെ കേസെടുക്കണമെന്ന് ചൂണ്ടികാട്ടി കോടതിയിൽ പൊതു താൽപര്യഹാർജി നൽകിയ എറണാകുളം സ്വദേശിയായ അഭിഭാഷകന്റെ മൊഴി എന്നിവയാണ് ഇന്ന് രേഖപ്പെടുത്തുക. കന്റോണ്മെന്റ് സ്റ്റേഷനില് ഹാജരാകാന് ഇവരോട് ആവശ്യപ്പെട്ടിട്ടുണ്ട്.
യദുവിന്റെ പരാതിയിൽ ജാമ്യം ഇല്ലാത്ത വകുപ്പുകൾ പ്രകാരം കേസെടുത്തിരുന്നു. ഇതിന്റെ ഭാഗമായാണ് യദുവിന്റെ മൊഴിയെടുക്കുന്നത്. അഭിഭാഷകൻ നൽകിയ ഹർജിയിൽ കോടതിയുടെ നിർദേശപ്രകാരം ആര്യ രാജേന്ദ്രനും സച്ചിൻ ദേവിനുമെതിരെ പൊലീസ് ജാമ്യം ലഭിക്കുന്ന വകുപ്പ് പ്രകാരം ആദ്യം കേസെടുത്തിരുന്നു. അതിൽ നടത്തിയ അന്വേഷണത്തിന്റെ ഭാഗമായാണ് അഭിഭാഷകന്റെ മൊഴി എടുക്കുക. അതിനുശേഷമാവും മേയറുടെയും എംഎൽഎയുടെയും മൊഴിയെടുക്കുക.
അതേസമയം, എംഎല്എ ബസില് അതിക്രമിച്ചു കയറിയിട്ടുണ്ടോയെന്ന കാര്യത്തില് കൂടുതൽ അന്വേഷണം സംഘടിപ്പിക്കാനും തീരുമാനിച്ചിട്ടുണ്ട്.ബസിൽ സ്ഥാപിച്ചിരുന്ന സിസിടിവി ക്യാമറയുടെ മെമ്മറി കാർഡ് പ്രതികൾ സ്വാധീനം ഉപയോഗിച്ച് നശിപ്പിച്ചെന്ന ഗുരുതര ആരോപണവുമുൾപ്പെടെ എഫ്ഐആറിലുണ്ട്.
പ്രതികരിക്കാൻ ഇവിടെ എഴുതുക