പ്രായം കൂടുമ്പോള് മുഖത്ത് അതിന്റെ ലക്ഷണങ്ങള് പ്രകടമാകുന്നത് സ്വഭാവികമാണ്. ചുളിവുകള്, നേര്ത്ത വരകള്, ചര്മം തൂങ്ങല് തുടങ്ങിയവയെല്ലാം ഇതിന്റെ ഭാഗമായി സംഭവിക്കും. ചര്മ്മത്തിലെ ദൃഢതയും ഇലാസ്തികതയും നിലനിര്ത്തി, ചര്മ്മത്തെ സ്വാഭാവികമായി ചെറുപ്പമാക്കി നിലനിര്ത്താൻ സഹായിക്കുന്ന പ്രോട്ടീനുകളാണ് കൊളാജൻ. കൂടാതെ തലമുടിയുടെയും നഖങ്ങളുടെയും ആരോഗ്യം സംരക്ഷിക്കാനും കൊളാജൻ സഹായിക്കും. പ്രായം കൂടുമ്പോള് കൊളാജൻ ഉല്പ്പാദിപ്പിക്കുന്നത് കുറഞ്ഞു വരും. ഇതാണ് ചര്മ്മത്തില് ചുളിവുകള് വീഴാന് കാരണമാകുന്നത്.
എല്ലുകളെ ആരോഗ്യകരമായി നിലനിർത്താനും കൊളാജൻ ആവശ്യമാണ്. അസ്ഥികളുടെ രൂപീകരണം ഉത്തേജിപ്പിക്കാനും ഓസ്റ്റിയോപൊറോസിസ് പോലുള്ള പ്രശ്നങ്ങൾ ഒഴിവാക്കാനും കൊളാജൻ സഹായിക്കും.
തലമുടിയുടെയും നഖങ്ങളുടെയും ആരോഗ്യം സംരക്ഷിക്കാനും കൊളാജൻ വേണം. കൊളാജന്റെ കുറവു മൂലം തലമുടി കൊഴിയാനും നഖങ്ങള് പെട്ടെന്ന് പൊട്ടാനും കാരണമാകും. അതിനാല് കൊളാജൻ അടങ്ങിയ ഭക്ഷണങ്ങള് ഡയറ്റില് ഉള്പ്പെടുത്തുക.
ദഹനം മെച്ചപ്പെടുത്താനും കുടലിന്റെ ആരോഗ്യം സംരക്ഷിക്കാനും കൊളാജൻ സഹായിക്കും. മാംസം, പാലുൽപ്പന്നങ്ങൾ തുടങ്ങിയ മറ്റ് പ്രോട്ടീൻ സ്രോതസ്സുകളിൽ നിന്ന് വ്യത്യസ്തമായി, കൊളാജൻ എളുപ്പത്തിൽ ദഹിക്കുന്നു. അതിനാല് ദഹനം എളുപ്പമാക്കാന് ഡയറ്റില് കൊളാജൻ ഉൾപ്പെടുത്തുന്നത് നല്ലതാണ്.
ആരോഗ്യകരമായ കൊളസ്ട്രോൾ നിലനിർത്താനും കൊളാജൻ സഹായിക്കും. അതിനാല് നിങ്ങളുടെ ഭക്ഷണത്തിൽ കൊളാജൻ ഉൾപ്പെടുത്തുന്നതിലൂടെ, കൊളസ്ട്രോളിനെ നിയന്ത്രിക്കാനും ഹൃദയാരോഗ്യം സംരക്ഷിക്കാനും സഹായിക്കും.
പ്രായമാകുമ്പോൾ സന്ധി വേദന ഉണ്ടാകുന്നത് സ്വാഭാവികമാണ്. എന്നാല് ആൻറി-ഇൻഫ്ലമേറ്ററി ഗുണങ്ങളുള്ള കൊളാജൻ സന്ധി വേദനയ്ക്ക് ആശ്വാസമേകും. മോണയുടെ ആരോഗ്യം മെച്ചപ്പെടുത്താനും കൊളാജൻ സഹായിക്കും.
പ്രതികരിക്കാൻ ഇവിടെ എഴുതുക