നിരവധി ആരോഗ്യ ഗുണങ്ങളുള്ള ഒരു പച്ചക്കറിയാണ് ബീറ്റ്റൂട്ട്. ബീറ്റ്റൂട്ട് സ്മൂത്തിയാക്കിയോ ജ്യൂസാക്കിയോ കുടിക്കുന്നത് ശരീരത്തിന് ഏറെ നല്ലതാണ്. കുട്ടികള്ക്കും ബീറ്റ്റൂട്ട് ഭക്ഷണത്തില് ഉള്പ്പെടുത്താന് ശ്രദ്ധിക്കാം. വിറ്റാമിന് സി, എ, ബി 6, നാരുകള്, പൊട്ടാസ്യം, മഗ്നീഷ്യം, ഇരുമ്പ്, ഫോളിക്കാസിഡ്, സിങ്ക്, ഫൈബര് തുടങ്ങിയവ അടങ്ങിയതാണ് ബീറ്റ്റൂട്ട്. പതിവായി രാവിലെ വെറുംവയറ്റില് ബീറ്റ്റൂട്ട് ജ്യൂസ് കുടിക്കുന്നത് ആരോഗ്യത്തിന് ഏറെ നല്ലതാണ്.
ബീറ്റ്റൂട്ടില് വിറ്റാമിന് സി ധാരാളം അടങ്ങിയിട്ടുണ്ട്. കൂടാതെ ആന്റി ഓക്സിഡന്റുകളും അടങ്ങിയിട്ടുണ്ട്. അതിനാല് പ്രതിരോധശേഷി വര്ധിപ്പിക്കാന് ബീറ്റ്റൂട്ട് ജ്യൂസ് പതിവായി കുടിക്കാം. ശരീരത്തിന് വേണ്ട ഊര്ജം പകരാനും ഇവ സഹായിക്കും. അയേണിന്റെ മികച്ച സ്രോതസ്സാണ് ബീറ്റ്റൂട്ട്. അതിനാല് വിളര്ച്ച അഥവാ അനീമിയ ഉള്ളവര് ബീറ്റ്റൂട്ട് ജ്യൂസ് പതിവായി കുടിക്കുന്നത് നല്ലതാണ്.
പൊട്ടാസ്യം ധാരാളം അടങ്ങിയ ബീറ്റ്റൂട്ടില് പ്രകൃതിദത്തമായി കാണപ്പെടുന്ന നൈട്രേറ്റ്സ് എന്ന സംയുക്തം രക്തയോട്ടം മെച്ചപ്പെടുത്താൻ സഹായിക്കുന്നു. അതിനാല് രക്തസമ്മർദ്ദം കുറയ്ക്കാനും ഹൃദ്രോഗവും പക്ഷാഘാതവും ഒഴിവാക്കാനും ഇവ സഹായിക്കും.
ശരീരഭാരം കുറയ്ക്കാന് ആഗ്രഹിക്കുന്നവര്ക്ക് ഉത്തമമായൊരു പച്ചക്കറിയാണിത്. ഇതില് കലോറി വളരെ കുറവാണ്. ഭാരം കുറയ്ക്കാന് ബീറ്റ്റൂട്ട് സ്മൂത്തിയായോ സാലഡില് ചേര്ത്തോ കഴിക്കാം. ഉയര്ന്ന രക്തസമ്മര്ദ്ദം കുറയ്ക്കാനും ബീറ്റ്റൂട്ട് ഉപകരിക്കും,
ഫൈബര് ധാരാളം അടങ്ങിയ പച്ചക്കറിയാണ് ബീറ്റ്റൂട്ട്. അതിനാല് രാവിലെ വെറും വയറ്റില് ബീറ്റ്റൂട്ട് ജ്യൂസ് കുടിക്കുന്നത് ദഹനം മെച്ചപ്പെടുത്താനും മലബന്ധം അകറ്റാനും സഹായിക്കും. ബീറ്റ്റൂട്ടില് കലോറി വളരെ കുറവാണ്. ഇവയില് നാരുകളും ധാരാളമായി അടങ്ങിയിട്ടുണ്ട്.
കൊഴുപ്പും കുറവായതിനാല് ബീറ്റ്റൂട്ട് ജ്യൂസ് രാവിലെ വെറും വയറ്റില് കുടിക്കുന്നത് വണ്ണം കുറയ്ക്കാന് സഹായിക്കും. തലച്ചോറിന്റെ ആരോഗ്യത്തിനും കരളിന്റെ ആരോഗ്യത്തിനുമൊക്കെ ബീറ്റ്റൂട്ട് ജ്യൂസ് കുടിക്കുന്നത് നല്ലതാണ്. വിറ്റാമിന് സിയും മറ്റ് ആന്റി ഓക്സിഡന്റുകളും അടങ്ങിയ ബീറ്റ്റൂട്ട് ജ്യൂസ് കുടിക്കുന്നത് ചര്മ്മത്തിന്റെ ആരോഗ്യത്തിനും നല്ലതാണ്.
ബീറ്റ്റൂട്ടില് കാണപ്പെടുന്ന നൈട്രേറ്റുകള്ക്ക് രക്തക്കുഴലുകളെ വികസിപ്പിക്കാന് സഹായിക്കുമെന്നും ഇത് രക്തസമ്മര്ദ്ദം കുറയ്ക്കുന്നതിന് കാരണമാകുമെന്നും 2013-ല് ജേണല് ഓഫ് ന്യൂട്രീഷനില് പ്രസിദ്ധീകരിച്ച പഠനം പറയുന്നു. ബീറ്റ്റൂട്ടിന്റെ ആന്റി-ഇന്ഫ്ളമേറ്ററി ഗുണങ്ങള് ശരീരത്തിലെ വീക്കം കുറയ്ക്കാന് ഗുണം ചെയ്യും.
രക്തത്തിലെ ചുവന്ന രക്താണുക്കളുടെയോ ഹീമോഗ്ലോബിന്റെയോ അളവ് കുറവുള്ളരില് വിളര്ച്ച, ക്ഷീണം, ബലഹീനത, മറ്റ് ആരോഗ്യ പ്രശ്നങ്ങള് എന്നിവ ഉണ്ടാകാം. ബീറ്റ്റൂട്ടില് ഇരുമ്പും ഫോളേറ്റും അടങ്ങിയിട്ടുണ്ട്. ചുവന്ന രക്താണുക്കളുടെ ഉത്പാദനം കൂട്ടാന് ബീറ്റ്റൂട്ട് കഴിക്കുന്നത് നല്ലതാണ്.
പ്രതികരിക്കാൻ ഇവിടെ എഴുതുക